Ўзбекистонда коронавирусга қарши қўлланилган вакциналар сони 14 млн дозадан ошди

Ўзбекистонда 28 август куни COVID-19 га қарши 275 581 доза вакцина қўлланилди, деб хабар бермоқда Соғлиқни сақлаш вазирлиги. Шундан 93 483 доза биринчи босқичда, 133 759 доза иккинчи босқичда ва 48 339 доза учинчи босқичда қўлланган.

Шу кунгача Ўзбекистонда жами 14 027 520 доза вакцинадан фойдаланилган бўлиб, улардан 1-босқичда эмланганлар 9 391 909 нафарни, 2-босқичда эмланганлар 3 401 179 нафарни, 3-босқичда эмланганлар 1 234 432 нафарни ташкил қилди. Шу кунгача тўлиқ эмланган фуқаролар эса 1 729 454 нафарни ташкил қилмоқда.

Сўнгги суткада эмлаш кўрсаткичлари бўйича юқори ўринларни:

• Самарқанд вилояти (51 297 доза),
• Андижон вилояти (26 071 доза),
• Хоразм вилояти (23 803 доза) банд қилди.

Жами эмлашлар бўйича юқори кўрсаткичлар:

• Фарғона вилоятида — 1 620 500 доза,
• Наманган вилоятида — 1 609 331 доза,
• Андижон вилоятида — 1 480 174 доза,
• Самарқанд вилоятида — 1 380 985 доза,
• Қашқадарё вилоятида — 1 116 332 доза,
• Сурхондарё вилоятида — 1 086 647 доза,
• Тошкент вилоятида 1 041 190 дозани ташкил қилмоқда.

Соғлиқни сақлаш вазирлиги маълумотларига кўра, 22 августга келиб Ўзбекистонга келтирилган жами вакцина миқдори 17 миллион 856 минг 540 дозага етди. Эмлаш учун «Спутник V», AstraZeneca, ZF-UZ-VAC 2001 (ўзбек—хитой) ва Moderna вакциналаридан фойдаланилмоқда. Мамлакатда «Спутник V»нинг биринчи дозаси билан эмланган фуқаролар вакцинанинг иккинчи дозасини ўз вақтида ололмаётгани кузатилмоқда. Ўзбекистон санитария-эпидемиологик осойишталик ва жамоат саломатлиги хизмати, вакциналар ва иммунопрофилактика бўлими бошлиғи Дилором Турсунованинг маълум қилишича, Россия вакцинасининг навбатдаги партияси мамлакатга 30 август куни олиб келинади.

Ўзбекистонлик олимлар помидордан фойдаланиб, COVID-19 инфекциясига қарши вакцина ҳам ишлаб чиқди.