Turmush o‘rtoq sifatida oddiy yigitlarni tanlagan va bundan pushaymon bo‘lmagan yulduzlar

Hayotini hamkasblaridan farqli ravishda mashhurlar bilan bog‘lamagan va ayni vaqtda baxtli yashab kelayotgan shou-biznes vakillari haqida ma’lumot berib o‘tamiz.

Riz Uizerspun va Jim Tot

Riz ish qidiruvchi agent sifatida faoliyat olib boradigan Jim Totdan avval aktyor Rayan Filipp bilan oila qurgan bo‘lgan. Birinchi turmushidan ikki nafar farzand: Ava va Dikonni dunyoga keltirgan. 9 yildan keyin juftlik munosabatlariga nuqta qo‘yishga qaror qilgan. Ajrashganidan keyin Jim bilan tanishgan aktrisa unga oshiq bo‘lib qolgan. Bir yil o‘tib ular turmush qurgan, 2012-yilda esa o‘g‘il farzandli bo‘lgan.

Jessika Alba va Kesh Uorren

Jessika Alba va Kesh Uorren Gollivudning eng munosabatlari mustahkam juftliklaridan biri sanaladi. Suratga olish maydonchasida tanishganlari bilan Kesh Jessikadan farqli ravishda aktyorlik olamidan yiroq bo‘lgan. “Fantastik to‘rtlik” filmida prodyuser assistenti sifatida faoliyat yuritgan Uorren yulduz unga e’tibor qaratishiga butkul tayyor bo‘lmagan. Tanishganidan bir necha yil o‘tib turmush qurishga qaror qilgan juftlikning ayni vaqtda uch nafar farzandi: Onor Mari, Xeven Garner va Xeysa Albani katta qilmoqda.

Enn Xeteuey va Adam Shulman

Enn bir necha yil biznesmen Rafaello Foleri bilan uchrashgan. Keyinroq e’tiborini zargarlik buyumlari dizayneri Adam Shulmanga qaratgan. 2012-yilda juftlik faqatgina do‘stlari va yaqin qarindoshlari davrasida oila qurgan. Bugungi kunda ular Jonatan va Jek ismli farzandlarni katta qilmoqda.

Kameron Dias va Benji Medden

Aktrisa oila qurishga munosib nomzodni uchratmagani bois 42 yoshga qadar turmush qurmagan. Hammasi gitarachi Benji Medden bilan tanishganidan keyin o‘zgargan. 2015-yilning yanvarida Dias turmushga chiqqani va nihoyat o‘zini baxtli his qilayotganini ma’lum qilgan. Oilasiga o‘zini bag‘ishlash uchun karyerasidan voz kechgan Kameron 2020-yilning boshida ona bo‘lgan.

Kristina Agilera va Mettyu Ratler

Kristina Agilera ham Mettyu Ratler bilan Jessika va Kesh singari tanishgan. Ratler Agilera suratga tushgan kartinada prodyuser assistenti sifatida faoliyat yuritgan. Deyarli bir ko‘rishda o‘rtalarida sevgi uchquni alanga olgan juftlik darhol uchrasha boshlagan. 2014-yilda unashtiruv haqida e’lon qilgan Kristina va Mettyu 2016-yilda farzandli bo‘lgan. Ota-ona bo‘lganidan keyin to‘yni biroz noma’lum muddatga cho‘zgan juftlik bor e’tiborini farzand tarbiyasiga qaratgan.