Ҳаётини ҳамкасбларидан фарқли равишда машҳурлар билан боғламаган ва айни вақтда бахтли яшаб келаётган шоу-бизнес вакиллари ҳақида маълумот бериб ўтамиз.
Риз Уизерспун ва Жим Тот
Риз иш қидирувчи агент сифатида фаолият олиб борадиган Жим Тотдан аввал актёр Райан Филипп билан оила қурган бўлган. Биринчи турмушидан икки нафар фарзанд: Ава ва Диконни дунёга келтирган. 9 йилдан кейин жуфтлик муносабатларига нуқта қўйишга қарор қилган. Ажрашганидан кейин Жим билан танишган актриса унга ошиқ бўлиб қолган. Бир йил ўтиб улар турмуш қурган, 2012 йилда эса ўғил фарзандли бўлган.
Жессика Альба ва Кеш Уоррен
Жессика Альба ва Кеш Уоррен Голливуднинг энг муносабатлари мустаҳкам жуфтликларидан бири саналади. Суратга олиш майдончасида танишганлари билан Кеш Жессикадан фарқли равишда актёрлик оламидан йироқ бўлган. «Фантастик тўртлик» фильмида продюсер ассистенти сифатида фаолият юритган Уоррен юлдуз унга эътибор қаратишига буткул тайёр бўлмаган. Танишганидан бир неча йил ўтиб турмуш қуришга қарор қилган жуфтликнинг айни вақтда уч нафар фарзанди: Онор Мари, Хевен Гарнер ва Хейса Альбани катта қилмоқда.
Энн Хэтеуэй ва Адам Шульман
Энн бир неча йил бизнесмен Рафаэлло Фолери билан учрашган. Кейинроқ эътиборини заргарлик буюмлари дизайнери Адам Шульманга қаратган. 2012 йилда жуфтлик фақатгина дўстлари ва яқин қариндошлари даврасида оила қурган. Бугунги кунда улар Жонатан ва Жек исмли фарзандларни катта қилмоқда.
Камерон Диас ва Бенжи Медден
Актриса оила қуришга муносиб номзодни учратмагани боис 42 ёшга қадар турмуш қурмаган. Ҳаммаси гитарачи Бенжи Медден билан танишганидан кейин ўзгарган. 2015 йилнинг январида Диас турмушга чиққани ва ниҳоят ўзини бахтли ҳис қилаётганини маълум қилган. Оиласига ўзини бағишлаш учун карьерасидан воз кечган Камерон 2020 йилнинг бошида она бўлган.
Кристина Агилера ва Мэттью Ратлер
Кристина Агилера ҳам Мэттью Ратлер билан Жессика ва Кеш сингари танишган. Ратлер Агилера суратга тушган картинада продюсер ассистенти сифатида фаолият юритган. Деярли бир кўришда ўрталарида севги учқуни аланга олган жуфтлик дарҳол учраша бошлаган. 2014 йилда унаштирув ҳақида эълон қилган Кристина ва Мэттью 2016 йилда фарзандли бўлган. Ота-она бўлганидан кейин тўйни бироз номаълум муддатга чўзган жуфтлик бор эътиборини фарзанд тарбиясига қаратган.
Мавзуга доир:
- Анжелина Жоли, Шарлиз Терон ва асраб олган фарзандларини катта қилаётган бошқа юлдузлар (фото)
- Фото: 50 ёшдан кейин турмуш қурган машҳурлар
- Ёшлари орасида жуда катта фарқ бўлган юлдузли жуфтликлар (фото)
- Ажрашиб, сўнг қайта топишган машҳур жуфтликлар (фото)
- Махфий тўй: Турмуш қурганини ҳаммадан сир тутган юлдузли жуфтликлар (фото)
Изоҳ (0)