Ijtimoiy tarmoqlarda “Xatirchi tumani, ‘Uchqora’ MFYda yashovchi fuqarolar tomonidan fermer bir nogiron ayolni uchastka nozirlariga urdirdi” nomli video e’lon qilindi. Navoiy viloyati IIB holat bo‘yicha ma’lumot berdi.
Aniqlanishicha, fuqarolik ishlari bo‘yicha Xatirchi tuman sudining 2021-yil 10-martdagi “N.Ch.B” fermer xo‘jaligiga tegishli bo‘lgan 162-konturdagi o‘zboshimchalik bilan fuqaro T.T. tomonidan egallab olingan 1 gektar tokzor yer maydonidan majburiy tartibda chiqarish bo‘yicha qarori chiqarilib, ijroga qaratilgan.
Shuningdek, 2021-yilning 2-iyul kuni Xatirchi tumani, “Uchqora” MFY hududida “N.Ch.B” fermer xo‘jaligi raisi Ch.N. fuqaro M.T. va boshqalar bilan o‘zaro janjallashib, bir-birlarini kamsituvchi so‘zlar bilan haqorat qilib, tan jarohati yetkazgan.
Holat yuzasidan tuman IIB tomonidan tergovga qadar tekshirish harakatlari o‘tkazilib, Ma’muriy javobgarlik to‘g‘risidagi kodeksning 41-moddasi va 52-moddasi 2-qismi bilan ma’muriy ish qo‘zg‘atilib, to‘plangan hujjatlar jinoyat ishlari bo‘yicha tuman sudiga yuborilgan va sudning qaroriga asosan jarima jazosi tayinlangan.
Bundan tashqari, 2021-yilning 20-avgust kuni “N.Ch.B” fermer xo‘jaligi raisi Ch.N. yer maydonidagi uzum mahsulotlarini yig‘ishtirib olish maqsadida borgan vaqtida fuqaro T.T.ning o‘zi bo‘lmasa-da, turmush o‘rtog‘i M.T. va uning o‘g‘li U.T. o‘zboshimchalik bilan fermerga tegishli bo‘lgan uzum mahsulotlarini yig‘ib, xirmonga yoyib qo‘yganligini ko‘rib, tuman IIB HPB profilaktika inspektoriga qo‘ng‘iroq qilib, uzum hosilini olib ketishda janjal bo‘lishi mumkinligi haqida ogohlantirgan. Shu sababli tuman IIB HPB profilaktika inspektorlari voqea joyiga yetib borishgan.
IIB HPB profilaktika inspektorlari xirmondagi mahsulotlarni dalolatnoma rasmiylashtirayotgan vaqtida fuqaro M.T. qo‘liga tayoq ko‘tarib kelib, fermer xo‘jaligi raisi Ch.N.ni urmoqchi bo‘lgan vaqtida profilaktika inspektori uni qaytarib qolish uchun qo‘lidan ushlab, tayog‘ini olib qo‘ygani aniqlangan.
Mavzuga doir:
- Toshkentda “uchastkovoy”ga tashlanib qolgan mast erkakni ajratishga uringan Milliy gvardiya xodimi jarohat oldi
- Qarshida 19 joyidan pichoqlanishi oqibatida vafot etgan fuqaro haqidagi xabar yuzasidan Bosh prokuratura vaziyatga aniqlik kiritdi
- To‘rtko‘lda fuqaroga tan-jarohat yetkazilgani aytilayotgan IIB xodimlari xatti-harakatlari yuzasidan xizmat tekshiruvi tayinlandi
Izoh (0)