Polsha prezidenti Anjey Duda Afg‘onistondan polshalik fuqarolarni evakuatsiya qilishda ko‘rsatilayotgan ko‘mak uchun Shavkat Mirziyoyevga minnatdorlik bildirdi

O‘zbekiston Prezidenti Shavkat Mirziyoyevning Polsha prezidenti Anjey Duda bilan telefon orqali muloqoti bo‘lib o‘tdi.

Yetakchilar ikki tomonlama kun tartibidagi dolzarb masalalarni, shu jumladan, siyosiy muloqotni rivojlantirish, savdo-iqtisodiy va investitsiyaviy hamkorlikni kengaytirish, madaniy-gumanitar almashinuv dasturlarini ilgari surish, shuningdek, xalqaro tashkilotlar doirasidagi samarali sheriklikni davom ettirish masalalarini ko‘rib chiqdi.

Davlat rahbarlari Afg‘onistondagi voqealarning rivojlanishi nuqtayi nazaridan mintaqadagi joriy vaziyat yuzasidan ham fikr almashdi.

Polsha prezidenti fuqarolarni Afg‘onistondan O‘zbekiston hududi orqali Polshaga evakuatsiya qilish bo‘yicha gumanitar operatsiyalarni amalga oshirishga ko‘rsatilayotgan har tomonlama ko‘mak uchun samimiy minnatdorlik bildirdi.

Afg‘on muammosini tinch yo‘l bilan hal qilish maqsadida yaqindan hamkorlikni davom ettirishga kelishib olindi.