Bugun,

  • USD 11014.01
  • RUB 191.8
  • EUR 10674.78

Qashqadaryo viloyatining Qarshi shahridagi tungi klublarning birida fuqaro 19 joyidan pichoqlanib, vafot etgani, voqeaning marhum sportchi Elbek Rahimov o‘limiga aloqasi borligi haqida xabar tarqaldi. Bosh prokuratura axborot xizmati rahbari Hayot Shamsutdinov “Daryo” so‘roviga javoban vaziyatga aniqlik kiritdi.

Ta’kidlanishicha, fuqaroning vafotiga 19 joyidan pichoqlanishi sabab bo‘lgani, shuningdek, marhum Elbek Rahimovning o‘limiga aloqadorligi haqiqatga to‘g‘ri kelmaydi.

“2021-yilning 23-avgust kuni soat 20:30 da fuqaro Sh.R. tanishi bilan Qarshi shahridagi Rubai lounge bar tungi klubiga ovqatlanish uchun borib, u yerdagi boshqa bir mijozga ‘nega menga yomon qarayapsan’, deya uni klub hojatxonasiga olib kirib, qo‘llari bilan ko‘krak sohasiga mushtlab urayotgan bo‘lgan. Buni ko‘rgan klub ishchisi A.K. janjalning oldini olish maqsadida Sh.R.ni tinchlantirishga harakat qilgan. Biroq Sh.R. ularni ajratishga uringan A.K.ni itarib yuborgan. Klub ishchisi esa bar ustida turgan oshxona pichog‘i bilan Sh.R.ning hayoti uchun xavfli bo‘lgan chap ko‘krak qismiga bir marotaba urib, unga tan jarohati yetkazgan”, — deyiladi Bosh prokuratura axborot xizmati bergan ma’lumotda.

Qayd etilishicha, pichoqlangan Sh.R. olgan og‘ir tan jarohati oqibatida shu kuni shifoxonada vafot etgan.

Mazkur holat yuzasidan 2021-yilning 24-avgust kuni Qarshi shahar prokurori tomonidan A.K.ga nisbatan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilib, Jinoyat protsessual kodeksining 221-moddasi tartibida ushlangan.

Jinoyat ishi bo‘yicha dastlabki tergov harakatlari Qarshi shahar prokuraturasi tomonidan olib borilmoqda.

Eslatib o‘tamiz, avvalroq Qarshida chempion yigit pichoqlanib vafot etgani, chempion yigitning o‘limi ortidan viloyat prokuraturasida jinoyat tafsilotlariga bag‘ishlangan matbuot anjumani bo‘lib o‘tgani va unda bosh prokuror, ichki ishlar vaziri hamda Oliy sud raisi ishtirok etgani xabar berilgandi.

Izoh
Asosiy yangiliklar
Mahalliy
Shavkat Mirziyoyev rasmiy tashrif bilan Vengriyaga boradi
Mahalliy
Samarqandda bir guruh yigitlar IIB xodimlariga qarshilik ko‘rsatib, qochishga uringani aks etgan video bo‘yicha izoh berildi
Sport
Indoneziyadagi futbol uchrashuvi vaqtida yuzaga kelgan tartibsizliklar oqibatida 127 kishi halok bo‘ldi (video)