Rolls-Royce kompaniyasi Gudvuddagi korxonada ko‘chib kelgan yangi “mehmonlar” haqida ma’lumot berdi, deb yozadi Motor.
Korxona hududida Rolls-Royce xodimlari qutqarib qolgan 15 ta o‘rdak yashamoqda. Hozirda mazkur “oila” o‘zlarini veterinariya klinikasiga eltgan Cullinan yo‘ltanlamasi qulayligini baholashga ulgurgan.
2021-yilning aprelida avtozavodning qo‘riqlash xizmati xodimi Jeyms Kaffri korxona avtoturargohida onasini yo‘qotib qo‘ygan yettita o‘rdakni topib olgan. Kompaniya mutaxassislari bir necha soat davomida o‘rdakchalarni kuzatib, ularni qutqarish bo‘yicha qaror qabul qilgan. O‘rdaklar ehtiyotlik bilan qo‘lga olingan va eng yaqin veterinariya klinikasiga olib borilgan — u yerda parrandalar mutaxassis nazorati ostida ulg‘ayishgan.
Veterinarlar bilan maslahatlashgan Rolls-Royce xodimlari o‘rdaklarni zavodning ko‘liga qo‘yib yuborishga qaror qilgan. Shu bilan birga, ularni yangi uyida keyinroq qutqarib olingan sakkizda o‘rdak kutayotgan bo‘lgan. Veterinariya klinikasidan avtozavod hududiga qadar o‘rdaklar Cullinan yo‘ltanlamasida olib kelingan. Shu munosabat bilan mutaxassislar kelajakda modelning 560 litrli yukxonasini o‘rdaklar yordamida o‘lchashni taklif etmoqda.
Avvalroq internetda Long Boy laqabli ulkan o‘rdakning surati virus kabi tarqalgani, York universiteti kampusida yashaydigan qush ijtimoiy reklamalarda suratga tushayotgani to‘g‘risida xabar berilgandi.
Izoh (0)