Xitoyda elektrokarlarni besh daqiqada quvvatlantirishga qodir tizim namoyish etildi

Xitoyning GAC markasi o‘zining ikkita yangi quvvatlantirish tizimini namoyish etdi. Ularning eng kuchlisi 6C nomini olgan: uning maksimal quvvati 500 kilovattni tashkil etadi va u elektrokarni 0 dan 80 foizgacha 10 daqiqada quvvatlantirishga qodir. Taqqoslash uchun, Tesla Supercharger V3’ning ushbu ko‘rsatkichi 250 kilovattga teng bo‘lib, quvvatlantirish uchun yarim soatga yaqin vaqt ketadi, deb xabar beradi Motor.

Tizimning ishini namoyish etish vaqtida dastlabki to‘rt daqiqa ichida akkumulyatorning taxminan yarmi quvvatlanilgan, 80 foizli quvvatga yetish uchun esa besh daqiqadan kamroq vaqt sarflangan. Avtomobil ishlab chiqaruvchi o‘ta tezkor 6C’dan tashqari 3C nomli kichik modelni ham taqdim etgan bo‘lib, uni 0 dan 80 foizga quvvatlantirish uchun 16 daqiqa, 30 dan 80 foizga quvvatlantirishga esa 10 daqiqa kifoya qiladi.

Hozirda o‘ta yuqori quvvatlanish fuksiyasini qo‘llab-quvvatlaydigan yagona model — Aion V (GAC subbrendi) hisoblanadi. Avtomobil ishlab chiqaruvchining ta’kidlashicha, ekspress-quvvatlanish akkumulyatorga zarar yetkazmaydi. 6C xona haroratida yillik tezkor quvvatlanish orqali million kilometr masofani bosib o‘tishga xizmat qiladi.

Aion V premyerasi 2021-yilning avgust boshida bo‘lib o‘tdi. Yangi model Xitoy bozori uchun muqobili bo‘lmagan 183 ot kuchili elektromotor va 70 hamda 80 kilovatt-soatli batareyelar varianti bilan taqdim etilgan. Bu kabi batareyalarga ega model bir marta quvvatlanish orqali mos ravishda 500 yoki 600 kilometr yo‘l bosa oladi. Aion V narxi 177,6 ming yuandan (27,3 ming dollar) boshlanadi.

Yevropalik avtomobil ishlab chiqaruvchilar ham elektrokarlarni quvvatlantirish vaqtini qisqaritirish ustida ish olib bormoqda. Masalan, 2018-yilda Germaniyada quvvati 450 kilovattga teng ikkita tajriba terminali o‘rnatilgan. Ular batareya sig‘imi 90 kilovatt-soat bo‘lgan Porsche elektrokarlari yordamida sinovdan o‘tkazilgan: qo‘shimcha 100 kilometr masofani bosib o‘tishga yetadigan quvvat uchun uch daqiqa yetgan. Bundant ashqari, quvvatlantirgich 57 kilovatt-soatli batareyaga ega BMW i3’da ham sinovdan o‘tkazilgan: elektrokar 10 dan 80 foizgacha bo‘lgan quvvatni 15 daqiqa ichida to‘plagan.