Milandagi avtomobil yo‘llarda avtomatik ravishda taqiqlovchi signalda o‘tganlikni qayd etishga, shuningdek, avtomobillarning raqamlarini farqlashga qodir intellektual kamerali “aqlli” svetoforlar paydo bo‘ldi. Har tomonlama raqamli tizim yordamida yo‘lni tartibga solgich mustaqil ravishda yo‘l harakati qoidalarini buzgan haydovchilarga jarima yozadi, deb xabar beradi Motor.
“Aqlli” svetoforlar qatoridan sariq chiroq yongan vaqtida avtomatik ravishda ishga tushadigan raqamli tizim, shuningdek, avtomobil raqamlarini taniy oladigan intellektual kamera o‘rin olgan. Agarda transport vositasi qizil chiroqdan o‘tib ketsa yoki stop-chiziqda to‘xtamasa, tizim avtomatik ravishda qoidabuzarlikni qayd etadi.
Tizim saqlangan ma’lumotlar asosida avtomatik rejimda yo‘l harakati qoidalarini buzgan haydovchilarga jarima yozadi.
Innovatsion texnologiya yordamida Milan politsiyasi yo‘l harakati xavfsizligini ta’minlash niyatida. Yevropa Ittifoqi dasturlariga ko‘ra, 2030-yilga borib Yevropadagi avtomobil yo‘llarida sodir bo‘ladigan YTHlar qurbonlari nolga tushishi kerak.
Avvalroq Moskvada svetofor tezlikni oshirgan haydovchilarni qizil chiroq bilan “jazolashni boshlagani” to‘g‘risida xabar berilgandi.
Izoh (0)