Farg‘onada mast haydovchi boshqargan Nexia ag‘darilishi oqibatida 3 kishi vafot etdi

Farg‘ona viloyati Dang‘ara tumanida Nexia avtomobili ag‘darilib ketdi. Bu haqda “Yangi Davr” ko‘rsatuvida xabar qilindi.

Qayd etilishicha, holat Dang‘ara tumani hududidan o‘tuvchi 4K-888G mahalliy avtomobil yo‘lining 3-kilometrida soat 00:10 atrofida sodir bo‘lgan. Mast holatda bo‘lgan Nexia haydovchisi mashina tezlikni oshirib, boshqaruvni yo‘qotishi oqibatida ag‘darilib ketgan.

Qayd etilishicha, yo‘l-transport hodisasi oqibatida haydovchi va bir nafar yo‘lovchi voqea joyida, yana bir yo‘lovchi shifoxonada vafot etgan.

Mashina salonidagi ikki nafar yo‘lovchi tan jarohatlari bilan tuman markaziy shifoxonasiga yuborilgan.

Hozirda hodisa sabablari yuzasidan surishtiruv ishlari olib borilmoqda.

Bundan avval Namanganda Damas urib ketishi oqibatida 47 yoshli fuqaro shifoxonada vafot etgani, Namanganda yo‘ldan o‘tayotgan 22 yoshli piyoda Nexia urib yuborishi oqibatida vafot etgani hamda Namanganda Damas urib ketishi oqibatida 12 yoshli qiz vafot etgani haqida xabar berilgandi.