Миландаги автомобиль йўлларда автоматик равишда тақиқловчи сигналда ўтганликни қайд этишга, шунингдек, автомобилларнинг рақамларини фарқлашга қодир интеллектуал камерали «ақлли» светофорлар пайдо бўлди. Ҳар томонлама рақамли тизим ёрдамида йўлни тартибга солгич мустақил равишда йўл ҳаракати қоидаларини бузган ҳайдовчиларга жарима ёзади, деб хабар беради Motor.
«Ақлли» светофорлар қаторидан сариқ чироқ ёнган вақтида автоматик равишда ишга тушадиган рақамли тизим, шунингдек, автомобиль рақамларини таний оладиган интеллектуал камера ўрин олган. Агарда транспорт воситаси қизил чироқдан ўтиб кетса ёки стоп-чизиқда тўхтамаса, тизим автоматик равишда қоидабузарликни қайд этади.
Тизим сақланган маълумотлар асосида автоматик режимда йўл ҳаракати қоидаларини бузган ҳайдовчиларга жарима ёзади.
Инновацион технология ёрдамида Милан полицияси йўл ҳаракати хавфсизлигини таъминлаш ниятида. Европа Иттифоқи дастурларига кўра, 2030 йилга бориб Европадаги автомобиль йўлларида содир бўладиган ЙТҲлар қурбонлари нолга тушиши керак.
Аввалроқ Москвада светофор тезликни оширган ҳайдовчиларни қизил чироқ билан «жазолашни бошлагани» тўғрисида хабар берилганди.
Изоҳ (0)