YouTube’dagi Land Cruiser Channel kanalida yangi Toyota Land Cruiser 300 ning imkoniyatlari namoyish etilgan bir nechta roliklar paydo bo‘ldi. Masalan, videolarning birida yo‘ltanlamas qoyali jarlikdan sakrasa, boshqasida qumli yo‘llarda g‘ildiraklarini aylantirgan. Yana bir videoda esa yo‘ltanlamas Land Cruiser GR Sport rejimida murakkab sharoitli yo‘lda harakatlangan, deb xabar beradi Motor.
Roliklarning barchasi Land Cruiser 300 avlodlar almashinuvi bilan yo‘ltanlamaslik xususiyatini yo‘qotmagani va u deyarli har qanday to‘siqlarni bosib o‘tishga qodirligini namoyish etishga qaratilgan. Roliklarda avtomobil turli vaziyatlarga tushib qolgan — u qumli, loyli va chuqur ko‘lmaklarni bosib o‘tgan.
Roliklarning dastlabki ikkitasida Land Cruiser 300 chuqurlik ustidan sakrab o‘tgan, ikkinchisida esa haydovchi avtomobilni qumli hududda haydagan.
Land Cruiser GR Sport modifikatsiyasi tasvirlangan rolik alohida e’tiborga molik. Ushbu versiya — kuzovning silkishiniga qarshi kurashadigan kinetik barqarorlashtiruvchi “podveska”li (E-KDSS) elektron tizimi bilan jihozlangan yagona gamma hisoblanadi. Bu kabi yo‘ltanlamasning “podveska”si 715 millimetrni tashkil etadi, ushbu tizimsiz esa — 630 millimetr.
Avlodlar almashinuvi bilan yo‘ltanlamas alyuminiyli osma elementlar o‘rnatilgan kuzov va yangi romga ega bo‘lgan — ularning umumiy qattiqligi 20 foizga, og‘irligi 200 kilogrammga ortgan. Shu bilan birga, yuk ko‘tarish og‘irligi deyarli o‘zgarmagan.
Avvalroq Toyota Land Cruiser 300 ning ayrim versiyalari uchun navbat to‘rt yilga cho‘zilib ketgani to‘g‘risida xabar berilgandi.
Izoh (0)