Wedbush eksperti Deniel Ayvz Apple taqdimoti qachon o‘tkazilishini ma’lum qildi, deb xabar beradi Hi-Tech.Mail.ru.
Tahlilchining ma’lumotlariga ko‘ra, Apple o‘zining iPhone 13 lineykasini sentabrning uchinchi haftasida taqdim etadi. Ayvzning so‘zlari avvalroq tarqalgan mish-mishlarni tasdiqlaydi.
Eslatib o‘tamiz, iPhone 12 lineykasi 2020-yilning oktabrida taqdim etilgandi — smartfonning bir oyga kechikishiga pandemiya sabab bo‘lgan. Tarqalgan anonslar e’tiborga olinadigan bo‘lgan, Apple’ning 2021-yilgi taqdimoti 14-sentabr kuni bo‘lib o‘tadi.
Shuningdek, Ayvzning ta’kidlashicha, yangi seriyadagi Pro-modellar 1 terabaytli xotira sig‘imi o‘z ichiga oladi. Bu hozirda mavjud iPhone 12 seriyasidagi eng katta ichki xotiradan ikki barobarga ko‘p demak.
Avvalroq internetda iPhone 13 Pro’ning quvvatlantirish “razyom”isiz tasvirlangan suratlari tarqalgan, Apple kompaniyasi iPhone 13 modellari taqchil bo‘lishidan ogohlantirgan edi.
Izoh (0)