Motorola kompaniyasi egiluvchan ekranga ega birinchi Razr smartfonini 2019-yilning oxirida taqdim etgandi. 1500 dollar qiymatida sotuvga chiqqan gadjet alohida o‘ziga xos texnik tavsiflarga ega bo‘lmagan, biroq noodatiy dizayni sabab shu kabi narxda e’lon qilingan edi.
2020-yilda kompaniya “aqlli” va samarador yangi Razr 5G’ni taqdim etdi. Uning ikkita alohida ekran qismi o‘rtasida Samsung’ning Z Fold va Flip seriyasidagi gadjetlari kabi tirqish bo‘lmagan.
Hi-Tech.Mail.ru’ning yozishicha, Razd 5G modeli aprelda ishlab chiqaruvchi orginal versiyani butunlay unutib qo‘ygandek tuyulgan bir vaqtda yangilangan Android 11 operatsion tizimiga ega bo‘lgan. Yaqin kunlargacha shunday edi — qurilma Android 10’da ishlayotgandi.
Endi esa Motorola Razr 2019 egalari ham yangilangan Android 11’dan foydalanish imkoniyatiga ega bo‘ldi.
Ta’kidlanishicha, Android 11’ning aksariyat yangilanishlari hozirda Verizon mijozlari uchun juda sekin amalga oshirilmoqda va u hozirda iyuldagi xavfsizlik yangilanishlari o‘z ichiga olgan — bir oyga kechikkan holda, biroq testdan o‘tkazish jarayoni hisobga olinsa, bu hayratlanarli emas.
Avvalroq Xiaomi kompaniyasi Samsung Z Flip’ning arzonroq muqobilini o‘ylab topgani to‘g‘risida xabar berilgandi.
Izoh (0)