Shov-shuvli janjallardan so‘ng Gollivudning mashhur yulduzlari qora ro‘yxatga kirdi. Quyida shoshqaloqlik karyeraga qanday ta’sir o‘tkazishi mumkinligi haqida tanishib chiqing.
Mel Gibson
Gollivud yulduzining karyerasi uning hayotiga spirtli ichimliklar kirguncha juda muvaffaqiyatli bo‘lgan. 2005-yilda Gibson politsiya haqidagi qo‘pol bayonotlari va mast holda avtomobil boshqargani uchun bir necha bor jarimaga tortildi. Ko‘p farzandli namunali oilaviy odamning qiyofasi tezda Gollivudning asosiy janjalkash insoni roliga o‘tdi. 2009-yilda yetti nafar farzandni tarbiyalayotgan Gibson va uning rafiqasi Robin Murning ajrashgani ma’lum bo‘lgan.
Oradan ko‘p o‘tmay aktyor Oksana Grigoryeva bilan ishqiy munosabatni boshladi va u bilan ajrashishi shov-shuvlarga sabab bo‘ldi. Ammo Gibsonning irqchilikka oid iboralari hammasidan oshib tushdi. Bu hibsga olish paytida politsiyachiga qilingan “iblis yahudiy” haqorati edi, shuningdek, bu xalqni hamma urushga sababchi bo‘lganini ham qo‘shimcha qilgan.
Aktyorning ushbu so‘zlari katta janjalni keltirib chiqardi. Gibson shundan so‘ng Gollivudda kechirilmadi, u uzoq vaqt chetlatilgan odamga aylandi. Faqat oradan o‘n yil o‘tgach, Gibson kinoga qaytishga muvaffaq bo‘ldi, lekin rejissor sifatida.
Sami Naseri
Fransuz aktyori Sami Naseri 2000-yillarning boshlarida sevimli “Taksi” filmidagi taksi haydovchisi roli bilan mashhur bo‘ldi. Loyihaning muvaffaqiyatga erishgani uchundir, balki, aktyor o‘zining ichki “men”ini yengolmadi va muxlislarning hafsalasini pir qildi. Aktyor suratga olish guruhi a’zolariga nisbatan zo‘ravonlik qilgani uchun bir necha bor hibsga olingan.
Shunday qilib bir marta Naseri stilistga ham tom ma’noda hujum qilib, ikki oyga qamalgan. Aktyor filmdagi qonunbuzarlikni haqiqiy hayotga tatbiq etdi. 2003-yilda u bir mashina haydovchisini kaltakladi. Qonunni buzgan shaxsga shartli jazo tayinlandi, katta miqdorda jarima solindi va uch yilga haydovchilik guvohnomasidan mahrum qilindi.
Naserining xavfli sarguzashtlari shu bilan tugamadi – qonun bilan bog‘liq muammolar vaqt o‘tishi bilan tobora o‘sib bordi. Hatto uning giyohvand moddalar savdogarlari bilan to‘qnashuvi va pichoqlash haqida ham ma’lumotlar mavjud. Faqatgina yillar o‘tib, Naseri o‘zi karyera va hayotini barbod qilganini tan oldi. Endi aktyor o‘z obro‘sini tiklashga astoydil harakat qilmoqda: u yomon odatlardan voz kechib, teatrda va kichik fransuz filmlarida rol o‘ynamoqda.
Jonni Depp
Jonni Depp sobiq rafiqasi Ember Xerd bilan bog‘liq janjalli voqeadan so‘ng jamiyatdagi mavqeyini va muxlislari hurmatini yo‘qotdi. Yulduzlar “Rim kundaligi” filmini suratga olgandan keyin uchrashishni boshlagan. Biroz vaqt o‘tgach, ular turmush qurdi. Oilada tartibsizlik janjallardan boshlandi va Jonni tomonidan hujum bilan yakunlandi.
Xerd oiladagi zo‘ravonlik qurboni ekanligini isbotladi. Tarmoq bo‘ylab yashin tezligida tarqalgan suratlarda u yuzi ko‘kargan holda paydo bo‘ldi. Natijada aktrisa politsiyaga ariza bilan murojaat qilib, turmush o‘rtog‘ini sudga bergan.
2020-yilda Jonni Depp bilan Warner Bros kompaniyasi tuzgan shartnoma bekor qilindi. Ammo hamma ham shunday qilmadi, o‘sha paytda Depp bilan shartnoma tuzgan Dior brendi aktyor bilan ishlashni to‘xtatmaslikka qaror qildi va Sauvage parfyumining reklamasini boshladi. Ma’lumki, ushbu voqeadan so‘ng brend savdosi keskin oshdi.
Dastin Xoffman
Dastin Xoffman ustidan da’vo qilgan ayol “Daho” hujjatli filmi prodyuseri Vendi Riss Gatsiounisdir. Vendining so‘zlariga ko‘ra, u Dastin bilan mehmonxonaga borishdan bosh tortganidan so‘ng unga spektaklni ekranga moslashtirish rad etilgan. Ayblovga javoban Xoffman kechirim so‘ragan va ayollarni hurmat qilishini aytgan.
Izoh (0)