Шов-шувли жанжаллардан сўнг Голливуднинг машҳур юлдузлари қора рўйхатга кирди. Қуйида шошқалоқлик карьерага қандай таъсир ўтказиши мумкинлиги ҳақида танишиб чиқинг.
Мел Гибсон
Голливуд юлдузининг карьераси унинг ҳаётига спиртли ичимликлар киргунча жуда муваффақиятли бўлган. 2005 йилда Гибсон полиция ҳақидаги қўпол баёнотлари ва маст ҳолда автомобиль бошқаргани учун бир неча бор жаримага тортилди. Кўп фарзандли намунали оилавий одамнинг қиёфаси тезда Голливуднинг асосий жанжалкаш инсони ролига ўтди. 2009 йилда етти нафар фарзандни тарбиялаётган Гибсон ва унинг рафиқаси Робин Мурнинг ажрашгани маълум бўлган.
Орадан кўп ўтмай актёр Оксана Григорева билан ишқий муносабатни бошлади ва у билан ажрашиши шов-шувларга сабаб бўлди. Аммо Гибсоннинг ирқчиликка оид иборалари ҳаммасидан ошиб тушди. Бу ҳибсга олиш пайтида полициячига қилинган «иблис яҳудий» ҳақорати эди, шунингдек, бу халқни ҳамма урушга сабабчи бўлганини ҳам қўшимча қилган.
Актёрнинг ушбу сўзлари катта жанжални келтириб чиқарди. Гибсон шундан сўнг Голливудда кечирилмади, у узоқ вақт четлатилган одамга айланди. Фақат орадан ўн йил ўтгач, Гибсон кинога қайтишга муваффақ бўлди, лекин режиссёр сифатида.
Сами Насери
Француз актёри Сами Насери 2000 йилларнинг бошларида севимли «Такси» фильмидаги такси ҳайдовчиси роли билан машҳур бўлди. Лойиҳанинг муваффақиятга эришгани учундир, балки, актёр ўзининг ички «мен»ини енголмади ва мухлисларнинг ҳафсаласини пир қилди. Актёр суратга олиш гуруҳи аъзоларига нисбатан зўравонлик қилгани учун бир неча бор ҳибсга олинган.
Шундай қилиб бир марта Насери стилистга ҳам том маънода ҳужум қилиб, икки ойга қамалган. Актёр фильмдаги қонунбузарликни ҳақиқий ҳаётга татбиқ этди. 2003 йилда у бир машина ҳайдовчисини калтаклади. Қонунни бузган шахсга шартли жазо тайинланди, катта миқдорда жарима солинди ва уч йилга ҳайдовчилик гувоҳномасидан маҳрум қилинди.
Насерининг хавфли саргузаштлари шу билан тугамади – қонун билан боғлиқ муаммолар вақт ўтиши билан тобора ўсиб борди. Ҳатто унинг гиёҳванд моддалар савдогарлари билан тўқнашуви ва пичоқлаш ҳақида ҳам маълумотлар мавжуд. Фақатгина йиллар ўтиб, Насери ўзи карьера ва ҳаётини барбод қилганини тан олди. Энди актёр ўз обрўсини тиклашга астойдил ҳаракат қилмоқда: у ёмон одатлардан воз кечиб, театрда ва кичик француз фильмларида рол ўйнамоқда.
Жонни Депп
Жонни Депп собиқ рафиқаси Эмбер Херд билан боғлиқ жанжалли воқеадан сўнг жамиятдаги мавқейини ва мухлислари ҳурматини йўқотди. Юлдузлар «Рим кундалиги» фильмини суратга олгандан кейин учрашишни бошлаган. Бироз вақт ўтгач, улар турмуш қурди. Оилада тартибсизлик жанжаллардан бошланди ва Жонни томонидан ҳужум билан якунланди.
Херд оиладаги зўравонлик қурбони эканлигини исботлади. Тармоқ бўйлаб яшин тезлигида тарқалган суратларда у юзи кўкарган ҳолда пайдо бўлди. Натижада актриса полицияга ариза билан мурожаат қилиб, турмуш ўртоғини судга берган.
2020 йилда Жонни Депп билан Warner Bros компанияси тузган шартнома бекор қилинди. Аммо ҳамма ҳам шундай қилмади, ўша пайтда Депп билан шартнома тузган Dior бренди актёр билан ишлашни тўхтатмасликка қарор қилди ва Sauvage парфюмининг рекламасини бошлади. Маълумки, ушбу воқеадан сўнг бренд савдоси кескин ошди.
Дастин Хоффман
Дастин Хоффман устидан даъво қилган аёл «Даҳо» ҳужжатли фильми продюсери Венди Рисс Гатсиоунисдир. Вендининг сўзларига кўра, у Дастин билан меҳмонхонага боришдан бош тортганидан сўнг унга спектаклни экранга мослаштириш рад этилган. Айбловга жавобан Хоффман кечирим сўраган ва аёлларни ҳурмат қилишини айтган.
Изоҳ (0)