Qisman mos keladigan ilik (ildiz hujayralarni) ko‘chirib o‘tkazish xuddi to‘liq mos keladigan ilik ko‘chirib o‘tkazish kabi samaralidir.
Acıbadem ilik markazining vrachlari bu sohadagi ishlanmalar va bolalarda qisman mos keladigan ildiz hujayralarni ko‘chirib o‘tkazishning barcha nozik jihatlari: uning kimlarga to‘g‘ri kelishi, qanday kasalliklarni davolashi, qanday o‘tkazilishi va kim donor bo‘lishi mumkinligi haqida so‘zlab beradi.
Tug‘ma va onkologik kasalliklari bo‘lgan bolalarga ilik ko‘chirib o‘tkaziladi, u hatto yangi tug‘ilgan chaqaloqlarda ham qo‘llanilishi mumkin. Bugungi kunda immun tizimida tug‘ma nuqsonlari va hayot uchun xavfli holatlari bo‘lgan chaqaloqlar hayotini ilik ko‘chirib o‘tkazish yordamida saqlab qolish mumkin.
Qondosh aka-uka va opa-singil — eng yaxshi donor
“Bolalarning o‘sishi muayyan vaqtgacha davom etadi va ularning ilik materialini kattalarniki bilan bir xil deb hisoblab bo‘lmaydi. Shuning uchun qondosh aka-ukalar yoki opa-singillar, shuningdek, ilik materiali qisman mos keladigan qondosh bo‘lmagan donorlar va Butunjahon donorlar bankidan patsiyent bilan operatsiya uchun zarur parametrlar bo‘yicha yuqori darajada mos keladigan nomzodlar eng yaxshi donorlar hisoblanadi”, — deb ta’kidlaydi Acıbadem shifoxonalar tarmog‘i professori, tibbiyot fanlari doktori Byulent Antmen.
Qondosh aka-uka yoki opa-singil — retsipiyent va donor o‘rtasida to‘qimalarning eng yaxshi mos kelishi sababli afzal tanlov hisoblanadi. Bunda boshqa donorlik guruhlariga nisbatan kasal yuqtirish xavfining juda kichik va ko‘chirib o‘tkaziladigan material qabul qilinmasligining ham kamroq bo‘lishi kuzatiladi.
Buning ustiga ushbu holda ko‘chirib o‘tkazilgan ilikni organizm qabul qilmasligining oldini olish uchun Tyubingen protokoli bo‘yicha qo‘shimcha terapiya qo‘llanilishi mumkin. Bu Acıbadem tibbiyot kompaniyalari guruhi professori Gyulyuz Ozturk ta’kidlaganidek, qondosh aka-ukalari yoki opa-singillari bo‘lmagan, lekin operatsiyaga muhtoj ko‘plab odamlar uchun juda yaxshi imkoniyat beradi.
Bolalarda ilik ko‘chirib o‘tkazish bosqichlari
Ilik ko‘chirib o‘tkazish arafasida patsiyent va uning donorida barcha skrining testlari o‘tkaziladi. Agar kasallik irsiy omilga ega bo‘lsa, uni tegishli donorlar qarindoshlarda istisno qilinishi muhim.
Shuningdek, ilik ko‘chirib o‘tkazishgacha patsiyentda turli infeksiyalarga testlar va qonning biokimyoviy tahlili bilan birga nefrologik, respirator va kardiologik tekshiruvlar o‘tkaziladi. Keyin xavfli hujayralarni yo‘qotish va yangi ildiz hujayralar uchun joy bo‘shatish maqsadida, jadal kimyoviy terapiya amalga oshiriladi. Ilik ko‘chirib o‘tkaziladigan kunning o‘zida esa patsiyentga ildiz hujayralar kiritiladi, ular 24—72 soat mobaynida ko‘payadi va joylashadi. Birinchi haftada yangi hujayralarga nisbatan immun tizimining hech qanday reaksiyasi bo‘lmasligi kerak, lekin bu davrda salbiy ta’sir ko‘rsatishi mumkin bo‘lgan barcha dorilar imkon qadar bekor qilinadi. Birmuncha vaqt o‘tganidan keyin “transplantat xo‘jayinga qarshi” reaksiyasi (temperatura, toshma yoki diareya bilan isitma) paydo bo‘lishi mumkin.
“Eng muhimi — donor materiali qabul qilinmasligidan saqlanish yoki oldini olish, chunki eski hujayralar yangilari bilan ‘kurasha boshlaydi’ va bunda dori-darmonlar bilan davolash yordam berishi mumkin”, — deydi professor Gyulyuz Ozturk.
Ko‘chirib o‘tkazishdan so‘ng nima bo‘ladi?
Professor Antmen ilik ko‘chirib o‘tkazish operatsiyasidan keyingi davrni quyidagi tarzda tavsiflaydi: “Organizm, hatto hech qanday muammolar yuzaga kelmaganda ham, ilik ko‘chirib o‘tkazilganidan so‘ng 1 yil mobaynida to‘liq tiklanadi. Bu davrda infeksiyalar bilan kurashish juda muhim. Kamida 6 oy mobaynida dori-darmonlar qo‘llanilib va keyingi 6 oy davomida esa dorilarsiz kuzatuv olib borish zarur. Immun tizimi qayta tiklanganidan va bola to‘liq sog‘ayib ketganidan so‘ng uning sog‘lig‘ini 20 yoshgacha, uning jinsiy yetilish davrini, gormonlar balansini va hokazolarni kuzatib borgan holda nazorat qilib borish zarur”.
Qisman mos keladigan ilik ko‘chirib o‘tkazishda hozirning o‘zidayoq ko‘p umid beradigan muvaffaqiyatlarga erishilgan. Bu tug‘ma gemotologik kasalliklardan tortib onkologik kasalliklargacha bo‘lgan ko‘plab xavfli kasalliklarda juda ajoyib yechim.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (0)