Қисман мос келадиган илик (илдиз ҳужайраларни) кўчириб ўтказиш худди тўлиқ мос келадиган илик кўчириб ўтказиш каби самаралидир.
Acıbadem илик марказининг врачлари бу соҳадаги ишланмалар ва болаларда қисман мос келадиган илдиз ҳужайраларни кўчириб ўтказишнинг барча нозик жиҳатлари: унинг кимларга тўғри келиши, қандай касалликларни даволаши, қандай ўтказилиши ва ким донор бўлиши мумкинлиги ҳақида сўзлаб беради.
Туғма ва онкологик касалликлари бўлган болаларга илик кўчириб ўтказилади, у ҳатто янги туғилган чақалоқларда ҳам қўлланилиши мумкин. Бугунги кунда иммун тизимида туғма нуқсонлари ва ҳаёт учун хавфли ҳолатлари бўлган чақалоқлар ҳаётини илик кўчириб ўтказиш ёрдамида сақлаб қолиш мумкин.
Қондош ака-ука ва опа-сингил — энг яхши донор
«Болаларнинг ўсиши муайян вақтгача давом этади ва уларнинг илик материалини катталарники билан бир хил деб ҳисоблаб бўлмайди. Шунинг учун қондош ака-укалар ёки опа-сингиллар, шунингдек, илик материали қисман мос келадиган қондош бўлмаган донорлар ва Бутунжаҳон донорлар банкидан пациент билан операция учун зарур параметрлар бўйича юқори даражада мос келадиган номзодлар энг яхши донорлар ҳисобланади», — деб таъкидлайди Acıbadem шифохоналар тармоғи профессори, тиббиёт фанлари доктори Бюлент Антмен.
Қондош ака-ука ёки опа-сингил — реципиент ва донор ўртасида тўқималарнинг энг яхши мос келиши сабабли афзал танлов ҳисобланади. Бунда бошқа донорлик гуруҳларига нисбатан касал юқтириш хавфининг жуда кичик ва кўчириб ўтказиладиган материал қабул қилинмаслигининг ҳам камроқ бўлиши кузатилади.
Бунинг устига ушбу ҳолда кўчириб ўтказилган иликни организм қабул қилмаслигининг олдини олиш учун Тюбинген протоколи бўйича қўшимча терапия қўлланилиши мумкин. Бу Acıbadem тиббиёт компаниялари гуруҳи профессори Гюлюз Озтурк таъкидлаганидек, қондош ака-укалари ёки опа-сингиллари бўлмаган, лекин операцияга муҳтож кўплаб одамлар учун жуда яхши имконият беради.
Болаларда илик кўчириб ўтказиш босқичлари
Илик кўчириб ўтказиш арафасида пациент ва унинг донорида барча скрининг тестлари ўтказилади. Агар касаллик ирсий омилга эга бўлса, уни тегишли донорлар қариндошларда истисно қилиниши муҳим.
Шунингдек, илик кўчириб ўтказишгача пациентда турли инфекцияларга тестлар ва қоннинг биокимёвий таҳлили билан бирга нефрологик, респиратор ва кардиологик текширувлар ўтказилади. Кейин хавфли ҳужайраларни йўқотиш ва янги илдиз ҳужайралар учун жой бўшатиш мақсадида, жадал кимёвий терапия амалга оширилади. Илик кўчириб ўтказиладиган куннинг ўзида эса пациентга илдиз ҳужайралар киритилади, улар 24—72 соат мобайнида кўпаяди ва жойлашади. Биринчи ҳафтада янги ҳужайраларга нисбатан иммун тизимининг ҳеч қандай реакцияси бўлмаслиги керак, лекин бу даврда салбий таъсир кўрсатиши мумкин бўлган барча дорилар имкон қадар бекор қилинади. Бирмунча вақт ўтганидан кейин «трансплантат хўжайинга қарши» реакцияси (температура, тошма ёки диарея билан иситма) пайдо бўлиши мумкин.
«Энг муҳими — донор материали қабул қилинмаслигидан сақланиш ёки олдини олиш, чунки эски ҳужайралар янгилари билан ‘кураша бошлайди’ ва бунда дори-дармонлар билан даволаш ёрдам бериши мумкин», — дейди профессор Гюлюз Озтурк.
Кўчириб ўтказишдан сўнг нима бўлади?
Профессор Антмен илик кўчириб ўтказиш операциясидан кейинги даврни қуйидаги тарзда тавсифлайди: «Организм, ҳатто ҳеч қандай муаммолар юзага келмаганда ҳам, илик кўчириб ўтказилганидан сўнг 1 йил мобайнида тўлиқ тикланади. Бу даврда инфекциялар билан курашиш жуда муҳим. Камида 6 ой мобайнида дори-дармонлар қўлланилиб ва кейинги 6 ой давомида эса дориларсиз кузатув олиб бориш зарур. Иммун тизими қайта тикланганидан ва бола тўлиқ соғайиб кетганидан сўнг унинг соғлиғини 20 ёшгача, унинг жинсий етилиш даврини, гормонлар балансини ва ҳоказоларни кузатиб борган ҳолда назорат қилиб бориш зарур».
Қисман мос келадиган илик кўчириб ўтказишда ҳозирнинг ўзидаёқ кўп умид берадиган муваффақиятларга эришилган. Бу туғма гемотологик касалликлардан тортиб онкологик касалликларгача бўлган кўплаб хавфли касалликларда жуда ажойиб ечим.
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин.
Тошкент шаҳри, Мирзо Улуғбек тумани, Буюк ипак йўли мавзеси, 19 уй
Телефон: +99895 144 54 45
Шунингдек, расмий сайт www.acibadem.com.ru орқали барча керакли маълумотларга эга бўлишингиз мумкин.
Реклама ҳуқуқи асосида.
Изоҳ (0)