2021-yilning 6-avgust kuni poytaxtda va Toshkent viloyatining markazi — Nurafshon shahrida ikkita yangi Uztelecom savdo va xizmat ko‘rsatish ofisining ochilish marosimi bo‘lib o‘tdi.
Ochilish marosimi bosh vazir maslahatchisi, IT texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i Olimjon Umarov, Respublika axborot texnologiyalari va kommunikatsiyalarini rivojlantirish vaziri Shuhrat Sodiqov, Toshkent viloyati hokimi o‘rinbosari Shuhrat Hakimov, shuningdek, mahalliy hokimiyat vakillari hamda kompaniya rahbariyati ishtirokida bo‘lib o‘tdi. Tadbir davomida ishtirokchilar ofislar faoliyati bilan tanishibgina qolmay, taqdim etiladigan xizmatlar yuzasidan qiziqarli ma’lumotlarga ega bo‘lishdi.
2020-yil oxirida Andijon shahrida boshlangan, respublika bo‘ylab savdo va xizmat ko‘rsatish ofislarini modernizatsiya qilish va takomillashtirish bo‘yicha keng ko‘lamli loyiha kengayib bormoqda va endi navbat serquyosh Toshkent va Nurafshon shaharlariga keldi. Toshkent shahri va Toshkent viloyatining markazida milliy operatorning yangi, zamonaviy va ergonomik ofislari tashrif buyuruvchilarga o‘z eshiklarini ochdi.
“Bugungi kunda davlatimiz siyosatining strategik maqsadi — bu O‘zbekistonni rivojlantirishning yangi bosqichiga, ya’ni raqamli hukumatga o‘tish va raqamli jamiyat, mamlakatning barqaror ijtimoiy-iqtisodiy, siyosiy va madaniy taraqqiyotini ta’minlash, fuqarolarning turmush tarzini yaxshilash, insonlarning ehtiyojlari va erkin rivojlanishini qondirish uchun keng imkoniyatlar yaratish, qadriyatlarga asoslangan rivojlanish modelini amalga oshirish. Shu maqsadda Prezidentimiz tashabbusi bilan “Raqamli O‘zbekiston — 2030” strategiyasi qabul qilinib, uning asosiy yo‘nalishlaridan biri, davlat va iqtisodiyotni boshqarishni raqamli o‘zgartirish, ularning ochiqligi va shaffofligini ta’minlash, zamonaviy axborot texnologiyalarini joriy etishdir. O‘tgan davr ichida biz sezilarli yutuqlarga erishdik. Ko‘plab ijtimoiy loyihalar amalga oshirildi, buning natijasida O‘zbekistonning eng chekka nuqtalarida yashovchi aholi ham endi yuqori tezlikdagi internet va mobil aloqa xizmatlaridan bemalol foydalanishi mumkin. Bu borada mamlakatimizning milliy operatori tomonidan ham muayyan ishlar amalga oshirilmoqda. Modernizatsiyalashgan ofislarning ochilishi ushbu keng ko‘lamli ishlarning davomi bo‘ldi”, — dedi O‘zbekiston Respublikasi axborot texnologiyalari va kommunikatsiyalarini rivojlantirish vaziri Shuhrat Sodiqov.
Loyihaning asosiy tamoyiliga ko‘ra, bu ofislarni ochishdan maqsad telekommunikatsiya texnologiyalari bozorida xizmat ko‘rsatish sohasini yangi bosqichga ko‘tarish va mobil aloqadan tortib, mobil hamda uy internetigacha Uztelecom milliy operatorining barcha xizmatlarini bitta xizmat ko‘rsatish ofisida birlashtirishdir.
Yagona falsafaga amal qilgan holda, Toshkentdagi savdo va xizmat ko‘rsatish ofisi Eco Hi-tech uslubida yaratilgan va milliy operator abonentlariga qulaylik yaratish maqsadida zamonaviy texnologiyalar bilan jihozlangan.
“Uztelecom butun mamlakat bo‘ylab savdo va xizmat ko‘rsatish ofislarini modernizatsiya qilish va takomillashtirish bo‘yicha keng ko‘lamli loyihani davom ettirmoqda. Ushbu loyiha doirasida ko‘plab shaharlarda yangilangan ofislarimiz o‘z eshiklarini ochgan bo‘lib, u yerda mehmonlar kompaniya xizmatlarining yangi imkoniyatlari bilan tanishtirildi. Yangi savdo va xizmat ko‘rsatish ofislarimizni rekonstruksiya qilish loyihasining asosiy tamoyili, abonentlarni eng ergonomik va qulay ofislar bilan ta’minlashdir. Endilikda ular Uztelecom milliy operatorining barcha xizmatlarini, ya’ni uy va mobil internetni bir joyning o‘zida, tez va qulay tarzda ulashi mumkin bo‘ladi”, — deydi “O‘zbektelekom” AK bosh direktori Nazirjon Hasanov.
Shuningdek, endi Uztelecom’ning xalq orasida “Aloqachilar uyi” nomi bilan mashhur bo‘lgan Nurafshon shahridagi yangilangan savdo va xizmat ko‘rsatish ofisida viloyat aholisi barcha aloqa xizmatlaridan, jumladan, mobil aloqadan tortib uy internetigacha bo‘lgan xizmatlarni ko‘rsatuvchi Uztelecom milliy operatorining ofislari, shuningdek, “O‘zbekiston pochtasi”, “Aloqabank” va Axborotlashtirish va telekommunikatsiyalar sohasida nazorat bo‘yicha davlat inspeksiyasi xizmatlaridan foydalanishi mumkin.
“Prezidentimizning alohida e’tibori tufayli vatanimizning shahar va qishloqlari har kuni o‘zgarib bormoqda. Bu jarayonlarning muhim omili davlatimiz rahbari tomonidan ilgari surilgan ‘Inson manfaatlari hamma narsadan ustun’ degan ustuvor tamoyil bo‘ldi. Bu tamoyilning amalga oshirilishi natijasida Toshkent viloyatining markaziga aylangan Nurafshon shahri butunlay yangicha qiyofa kasb etmoqda. Shunisi e’tiborga loyiqki, “O‘zbektelekom” AK ham ushbu mintaqani rivojlantirishga o‘z hissasini qo‘shmoqda, bu esa munosib turmush tarzini yaratish uchun bir qator imkoniyat va sharoitlarni yaratmoqda. Telekommunikatsiya xizmatlarini ko‘rsatish uchun yanada qulay imkoniyatlar yaratish maqsadida, Nurafshon shahrining markazida ushbu zamonaviy ofis qad rostladi va hozirda ilk tashrif buyuruvchilarni qarshi olishga tayyor”, — deb ta’kidlaydi Toshkent viloyati hokimi o‘rinbosari Shuhrat Hakimov.
Yangilangan ofisning afzalliklari viloyat markazi aholisi tomonidan ham yuqori baholandi.
“Bugun Nurafshon shahrida Uztelecom’ning yangi zamonaviy va barcha qulayliklarni o‘z ichiga olgan yangi binosi qad rostladi. Bu shahar aholisi uchun juda yaxshi imkoniyat, chunki ular hozirda ham aloqa, ham bank, shuningdek, pochta xizmatlaridan bir vaqtning o‘zida foydalanishi mumkin. Avvallari bu yerda eski pochta xizmatlari binosi joylashgan edi, endi esa shahar ko‘rkiga ko‘rk qo‘shib turuvchi zamonaviy inshoot foydalanishga topshirildi. Buning uchun biz bu loyihani amalga oshirgan barcha mas’ullarga o‘z minnatdorligimizni bildiramiz”, — deydi telekommunikatsiya sohasi faxriysi Jumaboy Bo‘tayev.
Bayram Uztelecom’ning eng yaxshi an’analari va uslubida, yoqimli musiqa hamrohligida mehmonlarning chiqishlari, interaktiv tanlovlar hamda esdalik sovg‘alari bilan o‘tkazildi. Shuningdek, xodimlar ofisga tashrif buyuruvchilar uchun qisqa ekskursiya o‘tkazdi va bu yerdagi yangiliklar bilan tanishtirdi.
Ta’kidlash joizki, ushbu loyiha kompaniya tomonidan muvaffaqiyatli amalga oshirilmoqda va kelajakda milliy operator abonentlarini bir qator yangiliklar kutmoqda.
Reklama huquqi asosida.
Izoh (0)