Jizzax viloyati Zomin tumanida “VAZ-2107” va Tracker avtomobili to‘qnashdi, deya xabar bermoqda YHXBB.
Ma’lum qilinishicha, 2021-yilning 31-iyul kuni soat 16:10 larda Zomin tumani hududidan o‘tgan Dashtobod–Zomin–Supa–Baxmal–G‘allaorol 4R40 avtomobil yo‘lining 21-kilometrida yo‘l-transport hodisasi sodir bo‘ldi.
Unda Zomin tumanida yashovchi 1988-yil tug‘ilgan haydovchi boshqaruvida bo‘lgan “VAZ-2107” rusumli avtomobil Bog‘ishamol ko‘chasidan Mustaqillik ko‘chasi chorrahasidan o‘tayotgan Zomin tumanida yashovchi 2002-yil tug‘ilgan haydovchi boshqaruvida bo‘lgan Tracker avtomobili yo‘liga chiqib ketishi oqibatida ikki avtomobil to‘qnashgan.
Oqibatda “VAZ-2107” salonida bo‘lgan 2008-yil tug‘ilgan Zomin tumani xalq ta’limi bo‘limiga tegishli 34-maktabning 7-sinf o‘quvchisi olgan tan jarohati sabab tuman markaziy shifoxonasiga yotqizilgan.
Bundan avval Namanganda Lacetti kelib urilgan Damas haydovchisi halok bo‘lgani, Andijonda Lacetti bilan to‘qnashgan “ZIL” uy devorini buzib kirib, ag‘darilgani hamda Jizzaxda katta tezlikda harakatlangan BMW mashinasi Nexia’ni siqib, YTH sodir etgani haqida xabar berilgandi.
Izoh (0)