Жиззахда «Жигули» ва Tracker тўқнашуви оқибатида мактаб ўқувчиси жароҳат олди

Жиззах вилояти Зомин туманида «ВАЗ-2107» ва Tracker автомобили тўқнашди, дея хабар бермоқда ЙҲХББ.

Маълум қилинишича, 2021 йилнинг 31 июль куни соат 16:10 ларда Зомин тумани ҳудудидан ўтган Даштобод–Зомин–Супа–Бахмал–Ғаллаорол 4R40 автомобиль йўлининг 21-километрида йўл-транспорт ҳодисаси содир бўлди.

Унда Зомин туманида яшовчи 1988 йил туғилган ҳайдовчи бошқарувида бўлган «ВАЗ-2107» русумли автомобиль Боғишамол кўчасидан Мустақиллик кўчаси чорраҳасидан ўтаётган Зомин туманида яшовчи 2002 йил туғилган ҳайдовчи бошқарувида бўлган Tracker автомобили йўлига чиқиб кетиши оқибатида икки автомобиль тўқнашган.

Оқибатда «ВАЗ-2107» салонида бўлган 2008 йил туғилган Зомин тумани халқ таълими бўлимига тегишли 34-мактабнинг 7-синф ўқувчиси олган тан жароҳати сабаб туман марказий шифохонасига ётқизилган.

Бундан аввал Наманганда Lacetti келиб урилган Damas ҳайдовчиси ҳалок бўлгани, Андижонда Lacetti билан тўқнашган «ЗИЛ» уй деворини бузиб кириб, ағдарилгани ҳамда Жиззахда катта тезликда ҳаракатланган BMW машинаси Nexia’ни сиқиб, ЙТҲ содир этгани ҳақида хабар берилганди.