Namangan viloyatining Mingbuloq tumani dalalarida paxta ochildi. Bu haqda “Daryo” muxbiri Azizbek Abduvaliyev xabar bermoqda.
Paxta ochilgan dalalar tumandagi “Hamidjanov Hamidxon” fermer xo‘jaligiga qarashli bo‘lib, bu yerda g‘o‘zaning “Andijon-35” navi ekilgan. 53 gektar maydondan 48 sentnerdan ortiq hosil yig‘ishtirib olish ko‘zda tutilgan.
Mutaxassislar bu yil paxta odatdagidan bir hafta chamasi ertaroq yetilganini aytmoqda. Bunga havo harorati me’yordan oshiq issiq kelgani sabab bo‘lgani bildirilgan.
Ma’lumot uchun, Namangan viloyatida 2021-yil 230 ming tonnadan ortiq paxta yetishtirilishi rejalashtirilgan bo‘lib, uning salmoqli ulushi — 45 ming tonnasi Mingbuloq tumani hisobiga to‘g‘ri keladi.
Izoh (0)