Fly Dubai aviakompaniyasining Dubay—Toshkent yo‘nalishi bo‘yicha uchgan FZ-1941 reysi to‘rt soatlik kechikish bilan O‘zbekistonga yetib keldi. Bu haqda Telegram’dagi AviaSpotter kanali xabar berdi.
Ma’lum qilinishicha, Dubay xalqaro aeroportidan ko‘tarilgan Boeing 737-800 samolyoti texnik sabablarga ko‘ra, yana o‘zi uchgan aeroportga qaytib qo‘ngan.
“Eshelonga ko‘tarilishga ulgurmagan Boeing qayrilib olishni amalga oshirib, yonilg‘ini sarflagan holda (o‘ndan ortiq aylanishlarni amalga oshirib) o‘zi uchgan aeroportga qaytib qo‘ndi”, — deyiladi xabarda.
Reys yo‘lovchilari boshqa bortda Toshkentga muvaffaqiyatli yetib kelgani aytilmoqda. Voqea sabablari noma’lum. Samolyot halokat signalini yubormagan.
Eslatib o‘tamiz, 2019-yilning avgustida FlyDubai’ning nosozlik sabab Toshkentga qaytgan layneri salkam bir sutkalik kechikish bilan Dubayga uchib ketgandi.
Mavzuga doir: O‘zbekiston va BAA o‘rtasida aviareyslar soni oshiriladi
Izoh (0)