Lego kompaniyasi Marvel kinoolami film va seriallari qahramonlarining yangi mini-o‘yinchoqlarini taqdim etdi. Ular orasidan “Vanda Vijen”, “Loki”, “Lochin va Qishki askar”, shuningdek, tez orada taqdim etilishi kutilayotgan “Agarda…?” animatsion serialining qahramonlari mavjud, deb xabar beradi kompaniya matbuot xizmati.
- “Vanda Vijen” — Alvon jodugar, Vijen, Monika Rambo;
- “Loki” — Trog (Torning qurbaqasi) bilan Loki, Silviya alligator Loki bilan birga;
- “Lochin va Qishki askar” — Kapitan Amerika kostyumidagi Lochin, Baki Barns/Qishgi askar;
- “Agarda…?” — Kapitan Karter, Tanosning xanjariga ega Gamora, zombi ovlovchi Spaydi, Zombi Kapitan Amerika, T’Challa Yulduzli Lord.
Lego’ning yangi seriyasi 1-sentabrdan sotuvga chiqadi. Har bir o‘yinchoqning rasmiy narxi 5 dollarni tashkil etadi.
Eslatib o‘tamiz, 2021-yilning may oxirlarida Lego Tanosning “cheksizlik qo‘lqopi”ni, yanvarda esa gul va o‘simliklar terish mumkin bo‘lgan botanik jamlanmani taqdim etgani to‘g‘risida xabar berilgandi.
Izoh (0)