Andrey Belenojko ismli dasturchi suratlar sifatini oshirish va arxivdagi oq-qora rasmlarni rangliga aylantirish imkonini beradigan Telegram-botni yaratdi, deb xabar beradi “Afisha.uz”.
AlMagic nomli botdan Telegram orqali bepul foydalanish mumkin. Buning uchun botli chatga suratni yuklash va u kerakli sifat hamda rangni taqdim etishi uchun biror funksiyani tanlash lozim.
Nashr Toshkentning bir nechta oq-qora suratlarini topib, bot yordamida uni “bo‘yab” ko‘rgan. Bitta suratni qayta ishlashga 30 soniyagacha vaqt ketishi mumkin.
Ta’kidlanishicha, bot tomonidan taqdim etilgan ranglar doim ham aniq emas. Masalan, eski oilaviy kadrdagi ko‘k rangli ko‘ylak ham ko‘k, ham qizil bo‘lishi mumkin. Shuningdek, bir holatda pushti rang o‘rniga jigarrang olingan.
Avvalroq MyHeritage sayti fotoportretlarni xuddi “Garri Potter”dagi kabi “jonlantirish”ni o‘rganib olgani to‘g‘risida xabar berilgandi.
Izoh (0)