Berklidagi Kaliforniya universiteti olimlari suvaraklardan ilhomlanib, ularning mexanik nusxasini yaratdi, deb xabar beradi TravelAsk.
Odatda barcha kichik robotlar bir muammoga duch keladi: ular juda nozik bo‘lgani sabab, sinishi oson. Ammo suvaraklarni o‘ldirish juda qiyinligi ma’lum, shuningdek, ular juda tez harakatlanadi. Olimlar esa aynan shundan ilhomlangan.
Shunday qilib, hozirda suvarak kabi tezkor harakatlanishga ega va yanchish qiyin bo‘lgan mitti bot paydo bo‘ldi. Tajribalarning ko‘rsatishicha, robot 60 kilogrammgacha yukni ko‘tarishga qodir: ya’ni o‘rtacha og‘irlikdagi inson uni bossa, robotga hech narsa qilmaydi.
Bu kabi ixtironing siri oddiy: “suvarak” asosini PVDF-list, o‘zgaruvchan tok ulangan yupqa va egiluvchan polimer tashkil etadi. Korpusining egiluvchanligi sabab robot barqaror va kichik. Mitti robot soniyasiga 20 santimetr tezlikda harakatlanishga qodir. Shuningdek, o‘zidan olti barobar og‘ir bo‘lgan yong‘oqni bemalol ko‘tara oladi.
“Bunday robotlar falokat va tabiiy ofat ro‘y bergan hududlarda katta yordam ko‘rsatishi mumkin. Mitti-bot osonlik bilan vertikal yuza bo‘ylab harakatlanishi, odam kira olmaydigan tirqishlar, trubalar va boshqa joylardan o‘ta olishi mumkin. Kelajakda robotga ko‘z datchigini ham o‘rnatish rejalashtirilgan”, — deyiladi xabarda.
Avvalroq xitoyliklar insonga o‘xshash uy robotining prototipini namoyish etgani, Avstraliyada esa olma terishga qodir robot yaratilgani to‘g‘risida xabar berilgandi.
Izoh (0)