Taekvondo bo‘yicha Tokio—2020 Olimpiadasida o‘zbekistonlik 19 yoshli Ulug‘bek Rashidov final bahsida musobaqaning ikkinchi raqamli sportchisi britaniyalik Bredli Sindenni mag‘lub etib, oltin medalga sazovor bo‘ldi. “Daryo” muxbiri Tokioda bo‘lib turgan Ulug‘bek Rashidovning murabbiyi Pavel Xan bilan bog‘lanishga muvaffaq bo‘ldi va unga bir qator savollar bilan murojaat qildi.
Ulug‘bekning xarakteri va uning kuchli tomonlari haqidaPavel Xan Ulug‘bek Rashidovni 6 yoshidan beri shug‘ullantiradi va ular uzoq yo‘lni bosib o‘tgan. Sportchining o‘zi murabbiyi haqida shunday deydi:Uning kuchli tomoni sifatida ruhiy tomondan juda barqaror ekanligini aytish mumkin. Shuningdek, Ulug‘bek nostandart texnikaga ega.
Ulug‘bekning futbol bilan shug‘ullanishni xohlagani va murabbiy uni taekvondoda qanday olib qolgani haqida
Ha, u futbol o‘ynashni xohlagan payt bo‘lgan. Ammo men Ulug‘bekni va uning ota-onasini taekvondoda qolishga ishontirishga muvaffaq bo‘lganman. Men Ulug‘bekning ota-onasi bilan gaplashdim va menga ishonishlarini iltimos qildim, boisi katta yutuqlarga erishishimizni his qilgandim.
Ulug‘bek bilan birgalikda qanday qiyinliklarni boshdan o‘tkazgani haqida
Rostini aytsam, orzuga erishish yo‘lida juda ko‘p qiyinchiliklar bo‘lgan. Ammo bularning barchasi ish jarayonining bir qismi. Xudoga shukr, davlat, Olimpiya qo‘mitasi, Sport va turizm vazirligi, Mudofaa vazirligi va Taekvondo assotsiatsiyasining ko‘magi tufayli biz uchun hamma narsa ko‘ngildagidek bo‘ldi. Shuningdek, raqiblarimizni o‘rganish jarayonida bizga katta yordam bergan terma jamoa murabbiylar shtabini ham ta’kidlab o‘tishni istardim.
Musobaqadan oldin ustoz va shogirdning imkoniyatlarini past baholaganlar bo‘lgan yo bo‘lmagani haqida
O‘ylaymanki, bunday bo‘lmagan, chunki barcha o‘zbekistonlik taekvondochilar bizning ham Olimpiada medaliga ega bo‘lishimizni xohladi. Bu har birimizning orzumiz edi.
Pavel Xan, Olimpiada chempioni Ulug‘bek Rashidovning murabbiyi
“Bu murabbiy menga juda yaqin. U qadrdonim. Uning qo‘l ostiga kelganimda 5-6 yoshda edim. Bu yo‘lni u bilan birga bosib o‘tdik. U eng zo‘r murabbiy! Uch yil avval yoshlar Olimpiadasida bu kabi yutuqni qo‘lga kiritamiz deb o‘ylab ham ko‘rmagandik. Biroq hammasi xudoning qo‘lida. Unga duo qiling va albatta, natija erishasiz”.
Ma’lumot uchun, 19 yoshli Ulug‘bek Rashidov O‘zbekiston tarixida Olimpiada medalini qo‘lga kiritgan eng yosh sportchi bo‘ldi. Bundan tashqari Olimpiya o‘yinlarida oltin medalga ega chiqqan eng yosh (19 yosh 4 oy-u 2 kunlik) sportchi maqomiga ham endi unga tegishli. Avval bu ikki maqom Rio—2016 Olimpiadasi g‘olibi Hasanboy Do‘stmatov (23 yosh 1 oy-u 20 kunlik) va Afina—2004 Olimpiadasi brona medali sohibi Bahodir Sultonovga (19 yosh 7 oy-u 14 kunlik) tegishli edi.
Izoh (0)