Jons Hopkins universiteti ma’lumotlariga ko‘ra, dunyoda koronavirusga chalinganlar soni 192 597 818 kishiga yetdi, shularning 4 136 022 nafari vafot etdi. Kasallanish holatlarining ko‘pligi bo‘yicha AQSh (34,2 million), Hindiston (31,2 million), Braziliya (19,5 million), Rossiya (6 million) va Fransiya (5,9 million) bormoqda.
Isroilda Hindiston bilan hamkorlikda ishlab chiqilgan koronavirusga qarshi kapsula shaklidagi vaksina klinik sinovdan o‘tkaziladi.
“G‘oya shundan iboratki, biz vaksina odamlar uchun ish berishini isbotlab ko‘rsatmoqchimiz”, — dedi Oramed Pharmaceuticals farmatsevtika kompaniyasi bosh direktori Nadav Kidron.
Vaksina Oramed Pharmaceuticals’ning tuzilmasi — Oravax Medical Isroil-Hindiston qo‘shma korxonasi tomonidan yaratilgan.
Ayni paytda Isroil Sog‘liqni saqlash vazirligi sinovlar uchun ruxsat berishini kutishmoqda.
Ushbu vaksina koronavirus tuzilmasidagi uchta oqsilga hujum qiladi, taqqoslash uchun, Moderna va Pfizer vaksinalari faqat spaykli S-oqsilga hujum qiladi. Bu esa vaksinani virusning yuzaga kelayotgan modifikatsiyalariga nisbatan samaraliroq qiladi.
Klinikagacha sinovlarda vaksina delta shtammiga qarshi sinab ko‘rilgan, tajriba hayvonlarida IgG va IgA (uzoq muddatli immunitet hosil qiluvchi) antitanalari ishlab chiqilgan.
2020-yil martidan 2021-yil apreligacha butun dunyo bo‘ylab bir milliondan ziyod bolalar COVID-19 tufayli bitta yoki ikkala ota-onasidan ayrildi.Yana yarim million bolalar o‘zlari birga yashaydigan bobosi, buvisi yoki vasiysini yo‘qotgan.
Koronavirus tufayli bolalarning o‘z ota-onalaridan ayrilishi bilan bog‘liq holatlar eng ko‘p Peru, Janubiy Afrika, Meksika, Braziliya, Kolumbiya, Eron, AQSh va Rossiyada qayd etilgan.
Shu bilan birga, deyarli har bir mamlakatda erkaklar orasidagi o‘lim darajasi ayollar orasidagidan yuqoriroq bo‘lgan — bolalar o‘z onalariga qaraganda otalarini besh marta ko‘proq yo‘qotgan.
Tadqiqot ustida ish olib borgan doktor Set Flaksman ushbu vaziyatni “yetimlik yashirin pandemiyasi” deb atadi.
Jahon sog‘liqni saqlash tashkiloti (JSST) Indoneziyani karantin cheklovlarini kuchaytirishga chaqirdi — mamlakat koronavirusdan kunlik o‘limlar soni bo‘yicha yetakchilik qilmoqda.Shu hafta Indoneziya pandemiya epitsentrlaridan biriga aylandi. Mamlakatda har kuni 1,4 mingdan ortiq odam COVID-19’dan vafot etdi. So‘nggi besh hafta ichida koronavirusga chalinish holatlari besh karra ko‘payib ketdi.
Ushbu vaziyat tufayli JSST Indoneziyani muammoni hal qilish uchun “zudlik bilan choralar ko‘rish”ga chaqirdi. Mamlakatning 34 ta provinsiyasidan 13 tasida kasallanish holatlari soni keskin ortgan.
Mavzuga doir: Indoneziya minglab davlat xizmatchilarini masofadan ishlash uchun Bali oroliga yuboradi
Bungacha alohida karantin rejimining amal qilish muddati 1-avgustgacha deb belgilangan edi.
30-avgustga qadar shanba va yakshanba kunlari jamoat transporti, shu jumladan, Boku metrosi ishlamaydi. Shu bilan birga, may oxirida va iyunda joriy qilingan karantin qoidalarining yumshatilishi o‘z kuchida qoladi. Xususan, ochiq havoda jamoat joylarida niqob taqmasa ham bo‘ladi. Yirik savdo markazlari (u yerdagi ko‘ngilochar markazlar va kinoteatrlardan tashqari) ishlashda davom etadi, plyajlar va sport-sog‘lomlashtirish markazlariga borish mumkin, cheklangan sondagi va vaksinatsiya sertifikatlariga ega mehmonlar ishtirokida to‘ylar o‘tkazishga ruxsat etiladi.
Mavzuga doir: Ozarbayjonda 18-yanvardan ommaviy emlash boshlanadi
Izoh (0)