Жонс Ҳопкинс университети маълумотларига кўра, дунёда коронавирусга чалинганлар сони 192 597 818 кишига етди, шуларнинг 4 136 022 нафари вафот этди. Касалланиш ҳолатларининг кўплиги бўйича АҚШ (34,2 миллион), Ҳиндистон (31,2 миллион), Бразилия (19,5 миллион), Россия (6 миллион) ва Франция (5,9 миллион) бормоқда.
Исроилда Ҳиндистон билан ҳамкорликда ишлаб чиқилган коронавирусга қарши капсула шаклидаги вакцина клиник синовдан ўтказилади.
«Ғоя шундан иборатки, биз вакцина одамлар учун иш беришини исботлаб кўрсатмоқчимиз», — деди Оramed Pharmaceuticals фармацевтика компанияси бош директори Надав Кидрон.
Вакцина Оramed Pharmaceuticals’нинг тузилмаси — Оravax Medical Исроил-Ҳиндистон қўшма корхонаси томонидан яратилган.
Айни пайтда Исроил Соғлиқни сақлаш вазирлиги синовлар учун рухсат беришини кутишмоқда.
Ушбу вакцина коронавирус тузилмасидаги учта оқсилга ҳужум қилади, таққослаш учун, Moderna ва Pfizer вакциналари фақат спайкли S-оқсилга ҳужум қилади. Бу эса вакцинани вируснинг юзага келаётган модификацияларига нисбатан самаралироқ қилади.
Клиникагача синовларда вакцина дельта штаммига қарши синаб кўрилган, тажриба ҳайвонларида IgG ва IgА (узоқ муддатли иммунитет ҳосил қилувчи) антитаналари ишлаб чиқилган.
Мавзуга доир: Россияда сақич шаклидаги COVID-вакцина ишлаб чиқилмоқда
Яна ярим миллион болалар ўзлари бирга яшайдиган бобоси, бувиси ёки васийсини йўқотган.
Коронавирус туфайли болаларнинг ўз ота-оналаридан айрилиши билан боғлиқ ҳолатлар энг кўп Перу, Жанубий Африка, Мексика, Бразилия, Колумбия, Эрон, АҚШ ва Россияда қайд этилган.
Шу билан бирга, деярли ҳар бир мамлакатда эркаклар орасидаги ўлим даражаси аёллар орасидагидан юқорироқ бўлган — болалар ўз оналарига қараганда оталарини беш марта кўпроқ йўқотган.
Тадқиқот устида иш олиб борган доктор Сет Флаксман ушбу вазиятни «етимлик яширин пандемияси» деб атади.
Жаҳон соғлиқни сақлаш ташкилоти (ЖССТ) Индонезияни карантин чекловларини кучайтиришга чақирди — мамлакат коронавирусдан кунлик ўлимлар сони бўйича етакчилик қилмоқда.Шу ҳафта Индонезия пандемия эпицентрларидан бирига айланди. Мамлакатда ҳар куни 1,4 мингдан ортиқ одам COVID-19’дан вафот этди. Сўнгги беш ҳафта ичида коронавирусга чалиниш ҳолатлари беш карра кўпайиб кетди.
Ушбу вазият туфайли ЖССТ Индонезияни муаммони ҳал қилиш учун «зудлик билан чоралар кўриш»га чақирди. Мамлакатнинг 34 та провинциясидан 13 тасида касалланиш ҳолатлари сони кескин ортган.
Озарбайжонда махсус карантин режими 1 сентябрга қадар узайтирилди. Тегишли қарор 22 июль куни мамлакат бош вазири Али Асадов томонидан имзоланди.Бунгача алоҳида карантин режимининг амал қилиш муддати 1 августгача деб белгиланган эди.
30 августга қадар шанба ва якшанба кунлари жамоат транспорти, шу жумладан, Боку метроси ишламайди. Шу билан бирга, май охирида ва июнда жорий қилинган карантин қоидаларининг юмшатилиши ўз кучида қолади. Хусусан, очиқ ҳавода жамоат жойларида ниқоб тақмаса ҳам бўлади. Йирик савдо марказлари (у ердаги кўнгилочар марказлар ва кинотеатрлардан ташқари) ишлашда давом этади, пляжлар ва спорт-соғломлаштириш марказларига бориш мумкин, чекланган сондаги ва вакцинация сертификатларига эга меҳмонлар иштирокида тўйлар ўтказишга рухсат этилади.
Мавзуга доир: Озарбайжонда 18 январдан оммавий эмлаш бошланади
Изоҳ (0)