Shanxayda eri bilan janjallashib qolgan ayol noyob Porsche 918 va Ferrari GTC4Lusso avtomobillarini pachaq qildi. Xitoylik jurnalistlarning ta’kidlashicha, oilaviy juftlik BMW 3-Series’da parking bo‘ylab harakatlanayotgan bo‘lgan va rulni boshqarayotgan ayol g‘azabda sedanni Ferrari’ning yonboshiga borib urgan. Italiya mashinasi yonida turgan supergibrid Porsche’ni siqib qo‘ygan, o‘z navbatida u Mercedes-Benz E 300 L’ning bamperiga shikast yetkazgan. Dastlabki hisob-kitoblarga ko‘ra, yetkazilgan zarar 617 ming dollarni tashkil etadi, deb xabar beradi Motor.
Porsche 918 Spyder modeli 918 nusxada yaratilgani sabab bunday supergibridning yangisi bir million yevro turadi, ikki eshikli mashinaning ikki tomoniga ham shikast yetgan bo‘lib, ekspertlarning fikricha, ta’mirlash ishlari 390 ming yevroga tushishi mumkin. Shuningdek, yana kamida 130 ming yevro Ferrari GTC4Lusso’ni ta’mirlashga ketadi.
Avvalroq amerikalik erkak ijaraga olingan yangi Ferrari F8 Tributo’da jiddiy avariyaga uchragani, AQShda salondan minib chiqilgan yangi Toyota Supra daraxtga urilgani, shuningdek, yangi Chevrolet Corvette xarid qilinganidan bir kun o‘tib YTHga uchragani to‘g‘risida xabar berilgandi.
Izoh (0)