Rasman taqdim etilganiga bir oydan kamroq vaqt bo‘lgan Toyota Land Cruiser 300 yo‘ltanlamasi YTH ishtirokchisiga aylanishga ulgurdi. Ummondagi avtosalonga yangi mashinalar partiyasini yetkazishi kerak bo‘lgan “avtovoz” jiddiy avariyaga uchragan. YTHga aynan nima sabab bo‘lgani noma’lum, biroq avtomobillarning barchasiga jiddiy zarar yetgan. Voqea joyidan olingan suratlarga ko‘ra, modellarning aksariyati qayta tiklashga yaroqsiz holatga kelib qolgan, deb xabar beradi Motor.
Foto: Instagram / Kurdistan_automotive_blog
Avariya bir necha kun oldin sodir bo‘lganiga qaramay, u haqida endi ma’lum bo‘lmoqda. Afsuski, yo‘l-transport hodisasiga nima sabab bo‘lgani va jabrlanganlar haqida ma’lumot yo‘q. Guvohlarning so‘zlariga ko‘ra, ko‘ngilsiz hodisa tunda sodir bo‘lgan. Kadrlardan ko‘rish mumkinki, bir necha oq yo‘ltanlamaslar metall uyumiga aylanib qolgan. Avtomobillardan birining old va tom qismi pachaqlangan, yana birining kuzovini kuch elementlariga shikast yetgan. Roliklarning birida “avtovoz” yangi avtomobillar bilan yonboshlab qolganini ko‘rish mumkin.
300 indeksiga ega Toyota Land Cruiser 9-iyun kuni taqdim etilgan, ushbu mashinani marka ishqibozlari 14 yil kutgan. Yo‘ltanlamasning rom konstruksiyasiga o‘zgartirish kiritilmagan, biroq old o‘qi va “podvedka”si faol barqarorlashtirgichlarni qo‘shish orqali yaxshilangan.
Avvalroq amerikalik erkak ijaraga olingan yangi Ferrari F8 Tributo’da jiddiy avariyaga uchragani to‘g‘risida xabar berilgandi.
