Шанхайда эри билан жанжаллашиб қолган аёл ноёб Porsche 918 ва Ferrari GTC4Lusso автомобилларини пачақ қилди. Хитойлик журналистларнинг таъкидлашича, оилавий жуфтлик BMW 3-Series’да паркинг бўйлаб ҳаракатланаётган бўлган ва рулни бошқараётган аёл ғазабда седанни Ferrari’нинг ёнбошига бориб урган. Италия машинаси ёнида турган супергибрид Porsche’ни сиқиб қўйган, ўз навбатида у Mercedes-Benz E 300 Лънинг бамперига шикаст етказган. Дастлабки ҳисоб-китобларга кўра, етказилган зарар 617 минг долларни ташкил этади, деб хабар беради Motor.
Porsche 918 Spyder модели 918 нусхада яратилгани сабаб бундай супергибриднинг янгиси бир миллион евро туради, икки эшикли машинанинг икки томонига ҳам шикаст етган бўлиб, экспертларнинг фикрича, таъмирлаш ишлари 390 минг еврога тушиши мумкин. Шунингдек, яна камида 130 минг евро Ferrari GTC4Lusso’ни таъмирлашга кетади.
Аввалроқ америкалик эркак ижарага олинган янги Ferrari F8 Tributo’да жиддий аварияга учрагани, АҚШда салондан миниб чиқилган янги Toyota Supra дарахтга урилгани, шунингдек, янги Chevrolet Corvette харид қилинганидан бир кун ўтиб ЙТҲга учрагани тўғрисида хабар берилганди.
Изоҳ (0)