Artemiy Lebedev studiyasi dizaynerlari kelajak svetoforlarining futuristik loyihasini taqdim etdi. Mutaxassislar yo‘lni tartibga soluvchi qurilmaning “aqlli”, ko‘p funksional, shuningdek, ko‘proq ma’lumot beruvchi sifatida taklif etmoqda. Ijodkorlarning fikricha, ranglarni qabul qilishda muammosi bor insonlar uchun mo‘ljallangan loyihalardan birini hozirning o‘zida amaliyotga tatbiq etsa bo‘ladi, deb xabar beradi Motor.
Rossiyalik dizaynerlarning birinchi loyihasi ishchi yuzasida to‘liq qizil, sariq va yashil rangga o‘zgara oladigan bir seksiyali svetofordan iborat. Bundan tashqari, bu kabi kabi yo‘lni tartibga soluvchi moslamani ranglarni qabul qilishda muammosi bor insonlar uchun maxsus piktogramma bilan jihozlasa bo‘ladi. Qo‘shimcha ma’lumotlarni ranglarning klassik joylashuviga mos ravishda o‘rnatish mumkin: yuqoridagi qizildan pastki yashilga qadar.
Bu kabi bir seksiyali svetoforga qo‘shimcha seksiyani integratsiya qilib, u orqali haydovchilarga burilishlar haqida ma’lumotlar yoki vaqt hisobini kuzatish imkoniyatini taqdim etsa bo‘ladi. Ijodkorlarning fikricha, bu kabi yo‘lni tartibga soluvchi moslamalarni hozirning o‘zida Rossiya ko‘chalariga o‘rnatsa bo‘ladi.
Kelajakda foydalanish mumkin bo‘lgan yana bir loyiga kvadrat svetofor ko‘rinishida taqdim etilgan. Bu kabi yo‘lni tartibga soluvchi moslama nafaqat klassik signallarni, balki yo‘ldagi holatdan kelib chiqib o‘zgaradigan inferfaol yo‘l belgilarini ko‘rsata oladi va ular klassik yo‘l ko‘rsatkichlar o‘rnini egallashi mumkin.
Dizaynerlar futuristik svetoforga piyodalar va velosipedchilarning animatsiyasini qo‘shishni, shuningdek, uning yuqori qismida videokuzatuv kamerasini o‘rnatishni taklif etmoqda. Bundan tashqari, bu turdagi yo‘lni tartibga solishga mo‘ljallangan qurilmalar 5G-modullari, WiFi-adapteri, shuningdek, havo haroratini, namligini va shovqin darajasini o‘lchovchi datchiklar yordamida “aqlli” bo‘la oladi. Dizaynerlarning ta’kidlashicha, bu turdagi svetoforlar shahar ko‘chalarini simyog‘ochlardan xalos bo‘lishiga yordam beradi.
Eslatib o‘tamiz, 2020-yilning dekabrida Moskva Transport departamenti Rossiya poytaxti ko‘chalariga kvadrat shaklidagi beshta yangi svetoforlarni o‘rnatgandi. Signallarning o‘zi oldingidek doira shaklida qolgan bo‘lishiga qaramay, yangi svetoforlar bir qator afzalliklarga ega. Yoritish maydonining ortgani hisobiga maksimal yorqinlik oshgan, shu sababli signallar haydovchi va yo‘lovchilar ko‘ziga yaxshiroq tashlanadi.
Izoh (0)