BMW компанияси 42 от кучига эга электродвигатель билан жиҳозланган CЕ 04 серияли электроскутерини тақдим этди. У скутерга соатига 0 дан 50 километр тезликка 2,6 сонияда эришиш имконини беради, деб хабар беради IXBT.
BMW CЕ 04 электроскутерининг аккумулятор сиғими 8,9 кВт/соатга тенг бўлиб, бу унга бир марта қувватланиш орқали 130 километрга яқин йўл босиш имкониятини тақдим этади. Шунингдек, бир марта қувватланишда 100 километр масофа юриш имконига эга версия (31 от кучи) ҳам чиқарилади. Иккала ҳолатда ҳам максимал тезлик соатига 120 километрга етади. Бу нафақат шаҳар шароитида, балки трассада ҳам тез ҳаракатланиш учун етарли.
Янги BMW CЕ 03 аккумулятор ва орқа ғилдирак орасида ўрнатилган мунтазам магнитли электродвигателга эга. BMW Motorrad компанияси ҳайдовчига юқори қулайлик даражасини тақдим этиш мақсадида ҳар бир режим рекуперациясини яратиш учун кенг кўламли синовларни ўтказди. Бу оптимал иш характеристикаси ва ҳар қандай йўл ҳолатида сифатли ҳаракатланиш имкониятини тақдим этади.
Батареяни 2,3 киловаттли қувватлантириш қурилмаси орқали оддий розеткадан, девор модули ёки жамоат қувватлантириш станцияси орқали қувватлаш мумкин. Аккумуляторнинг тўлиқ қувватланиши учун 4 соат-у 20 дақиқа вақт талаб этилади. Тезкор қувватланиш жараёни эса вақтни 1 соат-у 40 дақиқага қисқаришини таъминлайди. Аккумуляторни 20 фоиздан 80 фоизгача қувватлаш жараёни эса 45 дақиқада амалга ошади.
Фойдаланувчилар уч хил режимда ҳаракатлана олади (ECO, Rain ва Road). Стандарт жамланмадан FullHD сифатни қўллаб-қувватловчи 10,25 дюймли рангли навигация тизими ўрин олган. Шунингдек, контактларни экранга чиқариш орқали смартфонни улаш имконияти мавжуд. Смартфоннинг ўзини эса намликдан ҳимояланган, қувватлантириш учун USB разёмига эга вентиляцион бўлмасида қолдирса бўлади.
Харидорларга қулайлик даражаси, ABS Pro тизими, иситиш функциясининг бор ёки йўқлигидан келиб чиққан ҳолда скутернинг турли версиялари тақдим этилади (Avantgarde, Comfort ва Dynamic). Қурилма савдоси 2022 йилда 11 990 евро қийматида бошланади.
Изоҳ (0)