Toshkent shahri Chilonzor tumanida joylashgan savdo do‘koni yonidagi mors bochkasini o‘g‘irlagan shaxs qo‘lga olindi, deb xabar beradi poytaxt IIBB axborot xizmati.
Ma’lum qilinishicha, 2-iyul kuni soat 03:30 larda Chilonzor tumani IIO FMBga 36 yoshli Sh.X. ismli erkak 27 yoshli R.A. ismli fuqaroga tegishli mors bochakasini o‘g‘irlab ketgani to‘g‘risida xabar kelib tushgan.
Ta’kidlanishicha, bochkaning qiymati 7 million so‘m turadi.
Mazkur holat yuzasidan Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilgan. Gumonlanuvchi erkak qo‘lga olingan, hozirda tergov davom etmoqda.
Avvalroq Buxoroda voyaga yetmagan ikki qiz o‘zganing xonadonidan konditsioner o‘g‘irlagani, Denovda 4 yoshli qizning tilla ziragini o‘g‘irlash uchun unga 4 ta uyqu dori bergan maktab o‘quvchisiga jinoyat ishi qo‘zg‘atilgani to‘g‘risida xabar berilgandi.
Izoh (0)