Davlat aktivlarini boshqarish agentligi Toshkentning Taras Shevchenko ko‘chasida joylashgan Geologiya muzeyi binosini auksionga qo‘ydi, deb xabar beradi Spot.
Muzey 2010-yillar boshidan buyon egallab turgan bino 1928-yilda qurilgan. Yer uchastkasining umumiy maydoni 1140 kvadrat metr, inshoot maydoni 714 kvadrat metr, barcha inshootlar bilan birgalikdagi umumiy maydoni esa 2873 kvadrat metrni tashkil etadi. Kanalizatsiya, elektr energiyasi, gaz va suv tarmoqlariga ulangan.
Obyektning boshlang‘ich narxi 27,6 milliard so‘m deb belgilangan. Arizalar 7-avgustgacha qabul qilinadi, savdolar 9-avgust kuni bo‘lib o‘tadi.
Avvalroq Coca-Cola Uzbekistan’dagi davlat ulushi sotilishining uchinchi bosqichi yakunlangani, “Ohangaronsement”ning 84,19 foiz ulushi Kipr kompaniyasi ixtiyoriga o‘tgani hamda Timur Ishmetov 2021-yil yakunigacha O‘zbekistondagi yana bir yirik bank xususiylashtirilishini aytgani haqida xabar berilgandi.
Mavzuga doir: Shavkat Mirziyoyev Toshkentdagi 13 ta yirik ko‘chmas obyektni sotuvga chiqarish zarurligini ta’kidladi
Izoh (0)