Surxondaryoda 21 nafar yo‘lovchi bilan harakatlanib ketayotgan “Volga” haydovchisiga chora ko‘rildi (video)

Surxondaryo viloyatida YPX xodimlari tomonidan me’yordan ortiq yo‘lovchi bilan harakatlangan “Volga” to‘xtatildi. Bu haqda YHXBB xabar qildi.

Aniqlanishicha, mashinada jami 21 kishi ketayotgan bo‘lgan.

“Nima bu mikroavtobusmi? Jonlaringiz o‘zingizga qiziq emasmi?”, – deydi YPX xodimi e’tiroz bildirgan yo‘lovchiga qarata.

Qayd etilishicha, ushbu qoidabuzarlikka yo‘l qo‘ygan haydovchiga tegishli tartibda chora ko‘rilgan.

Bunday qoidabuzarlik Surxondaryo viloyatida ilk bor aniqlanmayapti. Ushbu viloyatda bundan avval ham bir necha bor me’yoridan ortiq yo‘lovchi tashish holatlari aniqlangan.

Xususan, Uzun tumanida haydovchi “Jiguli”da 16 nafar fuqaroni olib ketayotgani aniqlangani, 21 kishini avtomobil yukxonasida olib ketayotgan haydovchi jarimaga tortilgani hamda Sariosiyo tumanida Damas’da 16 nafar yo‘lovchi olib ketilayotgani aniqlangani haqida xabar berilgandi.