Farg‘ona shahrida Lacetti rusumli xizmat mashinasida qoida buzgan YPX xodimiga chora ko‘rildi, deb xabar bermoqda “Daryo” muxbiri.
Ma’lum qilinishicha, 2021-yilning 4-iyul kuni ijtimoiy tarmoqda “Farg‘ona viloyat IIB YHXB xodimlari tomonidan yo‘l harakati qoidalarini buzish mumkinmi?” sarlavhali videolavha tarqaldi.Videolavhada Farg‘ona shahrida viloyat IIB YHXBga tegishli Lacetti rusumli davlat raqami 40 108 VSF bo‘lgan maxsus xizmat avtomashinasi qarama-qarshi yo‘nalishlarni ajratib turish uchun chizilgan (qarama-qarshi yo‘nalishlarda harakatlanayotgan transport oqimlarini ajratadi, yo‘lning xavfli joylaridagi harakatlanish bo‘lagi chegarasini, yo‘lning kirish taqiqlangan qismi chegarasini, transport vositalarining to‘xtab turish joyi chegarasini hamda avtomagistral qatoriga kiritilmagan yo‘lning qatnov qismi chegarasini bildiruvchi chiziq) yo‘l yotiq chizig‘ini bosib harakatlangani aks etgan.
Qayd etilishicha, ushbu holat Farg‘ona viloyati IIB YHXB tomonidan o‘rganilgan. Lacetti rusumli 40 108 VSF davlat raqam belgili maxsus xizmat avtomashinasi biriktirilgan haydovchi xodimga nisbatan yo‘l harakati qoidalarining 3-bandida nazarda tutilgan qoidabuzarlikni sodir etganligi uchun belgilangan tartibda chora ko‘rilgan.
Izoh (0)