Yozuvchi Mark Tvenning Konnektikut shtatidagi Reddinge shahrida joylashgan uyi 4,2 million dollar qiymatida sotuvga qo‘yildi. Tven u yerda umrining so‘nggi ikki yilini (1910-yilga qadar) kechirgan, deb xabar beradi Esquire.
Toskan villasi uslubidagi uy 1908-yilda qurilgan. Tven uni “Kapitan Stormfildning jannatga sayohati” hikoyasi asosida “Stromfild” deb atagan. Yozuvchining mulki 11,3 gektar hududda joylashgan, koshonaning o‘zi esa 585 kvadrat metr joyni egallaydi.
1923-yilda asosiy bino yong‘in oqibatida zarar ko‘rgan, biroq 1925-yilda u qayta tiklangan. Bino orginal terrassalari, tosh devorlar, kolonnalar va bog‘ini saqlab qolgan. Shuningdek, uy hududida isitiladigan basseyn, basseyn oldida uycha va ichshilar uchun ikkita yotoqxonaga ega kottej joylashgan.
Uyning hozirgi egalari uni 2003-yilda 3,4 million dollarga xarid qilgan edi. “Ovloq joyda ekanligimni his qilish menga yoqadi. Shunga qaramay, Nyu-Yorkkacha bo‘lgan masofa 60 mil. Mark Tven yurgan keng maysazor, tosh yo‘laklar bo‘ylab tushishni yaxshi ko‘raman. Bu yerda yashash haqiqatda yaxshi”, — deydi uyning hozirgi egasi.
Avvalroq Agata Kristining Oksfordshir grafligidagi uyi sotuvga qo‘yilgani to‘g‘risida xabar berilgandi.
Izoh (0)