TikTok’ning yangi yulduzi: Stepan laqabli mushuk bir bokal ichimlik qarshisida o‘yga tolgan holda o‘tiribdi. Uning yuzida butun koinotning g‘am-tashvishi ifodalangan

TikTok’da o‘yga tolgan holda bir bokal vino qo‘yilgan stol yonida o‘tirgan Stepan laqabli mushuk mashhurlikka erishdi, deb xabar beradi Esquire.

Fonda Stivi Uanderning qo‘shig‘i yangrayotgan rolik 27,3 million martadan ortiq tomosha qilingan va 7,2 millionta layk to‘plagan.

Mushukning, shuningdek, boshqa videolari ham TikTok’da millionlab marotaba tomosha qilinib, yuz minglab layklarni to‘plamoqda. Stepanning hatto Instagram’da ham sahifasi bor.

https://www.instagram.com/p/CQjOe99Ho4V/

https://www.instagram.com/p/CQ1TnPzHwC5/

https://www.instagram.com/p/CP8pDzRlHIE/

Ichimlik bilan nostalgiya musiqa tinglab o‘tirgan Stepanning obrazi ko‘plab internet foydalanuvchilarga yolg‘izlikka bog‘liq hayotiy epizodlarni yodga solib yuborgan. Ammo mushukning ma’noli tumshug‘i har bir sahnani komediyaga aylantirib yuboradi.

Mushuk egasining so‘zlariga ko‘ra, u Stepanni ko‘chadan bir oyligida topib olgan, hozirda uning yoshi 13 da. Ayolning ta’kidlashicha, mushuk mol go‘shtini yeyishni, uxlashni va “yoshiga qaramay, kvartira bo‘ylab tentirab yurishni” yaxshi ko‘radi.

Avvalroq yanoqlarini shishirgan va norozilik bildirib do‘ng‘illagan Ben laqabli Bengal mushugining videosi internetda mashhurlikka erishgandi.