Tailandda iyun oxirlarida Play Bunchuay laqabli 40 yoshli fil tunda Pxungprasapornlar oilasining oshxonasi devorini buzib kirib, ozgina guruch o‘g‘irlab, mashhurlikka erishgan edi. Meduza’ning yozishicha, oradan bir hafta o‘tgach, fil Xuaxin shahrida yana bir “bosqinni” amalga oshirgan. Bu safar hayvon boshqa uyga o‘g‘irlikka tushgan va hatto hech narsaga shikast yetkazmagan.
Voqealar qolgan jihatlari bo‘yicha o‘xshash: Nattakan Charoendong ismli mahalliy fuqaro tungi soat 02:00 larda shovqindan uyg‘onib ketgan. Uyga kirishda u mushuklar uchun mo‘ljallangan yegulikni o‘g‘irlagan ulkan Play Bunchuayga duch kelgan. Fil terrasa tomi ostiga zo‘rg‘a siqqan. Shunga qaramay, joy to‘r bo‘lsa-da, u hech nimadan tashvishlanmagan — tungi mehmon dumini likillatib, o‘ziga mushuklar yeguligi yoqqanini bildirgan.
Barchasi yaxshilik bilan tugagan: ovqatlanib bo‘lgan fil ortiga burilib, jungli o‘rmonlariga berkingan. Hayvonning bu kabi xatti-harakatidan u shaharga ozuqa izlab yana qaytishi mumkinligini bilish mumkin.
Avvalroq Tailand shimolidagi Chiangmay provinsiyasida fil bolasi shakarqamish o‘g‘irlayotganida qo‘lga tushgani haqida xabar berilgandi.
Izoh (0)