Kaliforniyaning Oklend shahrida joylashgan hayvonot bog‘i o‘z qaramog‘ida bo‘lgan hayvonlarni Zoetis vaksinasi bilan emlashni boshladi, deb xabar beradi Esquire.
Oklenddagi hayvonot bog‘ida birinchilardan bo‘lib tog‘ sherlari, qora ayiqlar, “grizli ayiqlari”, yo‘lbarslar va sassiqko‘zanlar emlangan, chunki ushbu hayvonlar koronavirus yuqishi mumkin bo‘lgan xavf guruhiga kiradi.
Keyinchalik vaksina maymunlarga, ko‘rshapalak va cho‘chqalarga qilinadi.
Veterinariya xizmati rahbarining so‘zlariga ko‘ra, Oklend hayvonot bog‘idagi birorta jonzon COVID-19 bilan kasallanmagan, ammo rahbariyat ularning xavfsizligini ta’minlash niyatida. Masalan, San-Diegodagi hayvonot bog‘ida ikkita gorillada koronavirus aniqlangan, shu sababli hayvonot bog‘idagi maymunlar emlangan.
Vaksinatsiyadan keyin hayvonot bog‘idagi ishlar osonlashadi, bunga qadar xodimlar baryerlar yordamida masofalanishga rioya qilishi, shuningdek, individual himoya vositasidan foydalanishi kerak edi.
Eslatib o‘tamiz, mart oyida Jahon sog‘liqni saqlash tashkiloti SARS-CoV-2 virusining Daniya, Niderlandiya, Polsha, Ispaniya, Shvetsiya, Irlandiya, Italiya va AQShdagi qorako‘zanlar yetishtiriladigan fermalarda aniqlanganini ma’lum qilgandi.
Izoh (0)