Toshkent viloyati Bo‘stonliq tumanida yuk mashinasi yo‘l yaqinidagi kanalga tushib ketdi, deya xabar bermoqda YHXBB.
Ma’lum qilinishicha, 2021-yilning 4-iyul kuni soat 10:00 larda Toshkent viloyati Bo‘stonliq tumanida haydovchi, 1964-yilda tug‘ilgan K.B. “KamAZ” rusumli yuk avtomashinasida ikkinchi darajali yo‘ldan asosiy yo‘lga chiqish uchun kutib turgan vaqtda orqa tomonga harakatlanib ketib Parkent kanaliga tushib ketgan.
Hodisada hech kim tan jarohati olmagan. Biroz vaqtdan so‘ng avtomashina kanaldan olib chiqilgan.
Mazkur holat yuzasidan Bo‘stonliq tuman IIB YHXB tomonidan surishtiruv harakatlari olib borilmoqda.
Bundan avval Samarqandda turkiyalik haydovchilarning ikki yuk mashinasi yonib ketgani, Surxondaryoda yuk mashinasi bilan to‘qnashgan Nexia yonib ketgani hamda Urgutdagi gaz quyish shoxobchasida “ZIL” portlab ketgani haqida xabar berilgandi.
Izoh (0)