Тошкент вилояти Бўстонлиқ туманида юк машинаси йўл яқинидаги каналга тушиб кетди, дея хабар бермоқда ЙҲХББ.
Маълум қилинишича, 2021 йилнинг 4 июль куни соат 10:00 ларда Тошкент вилояти Бўстонлиқ туманида ҳайдовчи, 1964 йилда туғилган К.Б. «КамАЗ» русумли юк автомашинасида иккинчи даражали йўлдан асосий йўлга чиқиш учун кутиб турган вақтда орқа томонга ҳаракатланиб кетиб Паркент каналига тушиб кетган.
Ҳодисада ҳеч ким тан жароҳати олмаган. Бироз вақтдан сўнг автомашина каналдан олиб чиқилган.
Мазкур ҳолат юзасидан Бўстонлиқ туман ИИБ ЙҲХБ томонидан суриштирув ҳаракатлари олиб борилмоқда.
Бундан аввал Самарқандда туркиялик ҳайдовчиларнинг икки юк машинаси ёниб кетгани, Сурхондарёда юк машинаси билан тўқнашган Nexia ёниб кетгани ҳамда Ургутдаги газ қуйиш шохобчасида «ЗИЛ» портлаб кетгани ҳақида хабар берилганди.
Изоҳ (0)