Samarqand viloyatining Jomboy tumanida turkiyalik haydovchilarning ikki yuk mashinasi yonib ketdi. Bu haqda viloyat FVB matbuot xizmati xabar berdi.
Ma’lum qilinishicha, 5-iyul kuni soat 01:35 da Jomboy tumanining Buyuk ipak yo‘li ko‘chasida joylashgan avtoturagohda turgan haydovchi T.K. boshqaruvida bo‘lgan Volvo yuk mashinasi to‘liq, haydovchi S.K. boshqaruvidagi Iveko yuk mashinasi esa qisman yongan. Har ikki yuk mashinasi Qirg‘izistonga tegishli bo‘lgan, haydovchilar esa Turkiya fuqarolari bo‘lgan.
Voqea joyiga 4 ta yong‘in-qutqaruv ekipaji soat 01:48 da yetib borib, yong‘in 02:05 da o‘rab olinib, 02:40 da o‘chirilgan.
Hodisa oqibatida jarohat olganlar yo‘q. Yong‘inning sababi va zarari aniqlanmoqda.
Bundan avval Yangiyo‘lda yuk mashinasidan yong‘in chiqqani, Qashqadaryoda harakatlanib ketayotgan kombayn yonib ketgani, Jizzaxda gaz zapravkada turgan Matiz va Nexia yonib ketgani, Qamchiq dovonida “benzovoz” yonib ketishi oqibatida ikki kishi halok bo‘lgani haqida xabar berilgan edi.
Izoh (0)