Buxoro viloyatining Kogon tumanida fuqaro B.A. rahbarligidagi MChJga qarashli gips ishlab chiqarish sexi faoliyati o‘rganilganda, sexning gazdan noqonuniy foydalanib kelayotgani aniqlangan. Holat Bosh prokuratura huzuridagi Departamentning Kogon tumani bo‘limi xodimlari tomonidan o‘tkazilgan tadbirda fosh etilgan, deya xabar berdi “Daryo” muxbiri.
Tergovga qadar tekshiruvda aniqlanishicha, B.A.ga qarashli MChJdagi gips ishlab chiqarish sexi gaz tarmog‘iga noqonuniy ulangan bo‘lib, tabiiy gazdan yashirin yo‘llar bilan foydalanib kelgan. Va “Hududgaz Buxoro” gaz ta’minoti hududiy filiali manfaatlariga 55 million 900 ming so‘m zarar yetkazgan.Mazkur holat yuzasidan Jinoyat kodeksining 185-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)