Bugun,

  • USD 11095.31
  • RUB 173.84
  • EUR 10772.44

Toshkent viloyati Ohangaron tumanida gazoblok ishlab chiqarish korxonasi tabiiy gazdan noqonuniy foydalangan holda ohak ishlab chiqarayotgani aniqlandi. Bu haqda Energetika vazirligi xabar berdi.

Foto: Energetika vazirligi

Foto: Energetika vazirligi

Vazirlik tomonidan ma’lum qilinishicha, 2020-yilning 7-dekabr kuni Ohangaron tumani Nurobod qo‘rg‘onida joylashgan Mega Block Investment MChJga qarashli gazoblok ishlab chiqarish korxonasining tabiiy gazdan foydalanish holati o‘rganilganda, jamiyat tomonidan noqonuniy ravishda tabiiy gazdan foydalangan holda ohak mahsuloti ishlab chiqarish faoliyati bilan shug‘ullanib kelayotganligi aniqlangan.

Qayd etilishicha, mazkur jamiyat “Hududgaz Toshkent” MChJ tomonidan 2019-yil 2-dekabrda berilgan 0332-sonli texnik shartga ko‘ra qish mavsumida tabiiy gaz yetkazib berilishi kafolatlanmagan iste’molchilar toifasiga kiradi. “Hududgaz Toshkent” gaz ta’minoti filiali va Mega Block Investment MCHJ o‘rtasida 2020-yil 1-iyul kuni tuzilgan shartnomada jamiyatda faqatgina gazobeton ishlab chiqarish uskunasi hamda maishiy gaz jihozlari mavjudligi ko‘rsatilgan.

Foto: Energetika vazirligi

Foto: Energetika vazirligi

Bundan tashqari, 2020-yil 1-noyabr holatiga ko‘ra, jamiyatning tabiiy gazdan 135 million so‘m debitor qarzdorligi mavjud bo‘lgan.

Aniqlanishicha, kompaniya 313 ta nostandart gaz yondirgichi bilan jihozlangan 3 ta xumdonda ohak mahsuloti tayyorlab kelgan. Shu bilan birga, gazobeton ishlab chiqarish uskunasi hamda maishiy gaz jihozlarida sarflangan gaz miqdorlari hisobini yuritish uchun o‘rnatilgan hisoblagich ham nosoz bo‘lganligi taxmin qilinmoqda.

Foto: Energetika vazirligi

Foto: Energetika vazirligi

Dastlabki hisob-kitoblarga ko‘ra, 3 189,5 ming kub metr gaz talon-toroj qilingan va jami 3,18 milliard so‘m zarar yetkazilganligi aniqlangan. “Mazkur 3 189,5 ming metr kub tabiiy gaz o‘rtacha 3500 dan ziyod hovli-uylarning bir oylik ehtiyojini qondirish imkonini beradi”, — deyiladi vazirlik xabarida.

Hozirgi kunda huquqni muhofaza qiluvchi organlarga topshirish uchun birlamchi hujjatlar rasmiylashtirilmoqda.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov