Mobile World Congress 2021 ko‘rgazmasi doirasida o‘tkazilgan Global Mobile Awards (GLOMO Awards) mukofotini topshirish marosimida smartfonlar orasidagi yetakchi aniqlandi, deb xabar beradi Hi-Tech.Mail.ru.
“Eng yaxshi smartfon” nomiga Samsung Galaxy S21 Ultra 5G loyiq ko‘rildi. Shuningdek, qisqa ro‘yxatdan iPhone 12 Pro Max, OnePlus 9 Pro va Xiaomi Mi 11 Ultra o‘rin olgan.
Qurilma funksionalligi, dizayni, savdolar hajmi, ishlab chiqarishdagi ekologiklik, dasturiy ta’minotning yangilanish davriyligi va boshqa omillar bo‘yicha baholangan.
Samsung Galaxy S21 Ultra 1440x3200 pikselli diagonali 6,8 dyuymga teng AMOLED-displey bilan jihozlangan. Smartfon S Pen stilusini qo‘llab-quvvatlashi va hayratlanarli kameralar jamlanmasi bilan ajralib turadi.
Qurilmaga 108 megapikselli asosiy kameradan tashqari, ikkita 10 megapikselli telefotokamera o‘rnatilgan — ularning biri 3 karra zumga, ikkinchisi esa 10 karra zumga ega. Ularning birinchisi portretlarni olishda, ikkinchisi uzoqdagi obyektlarni tasvirga olishda qo‘l keladi. To‘rtinchi kamera — 12 megapikselli standart keng burchakli.
Avvalroq S Pen’ga ega Galaxy S21 Ultra o‘zini oqlamagani, shu sababli Samsung kompaniyasi Galaxy Note’ni qaytarishi to‘g‘risida xabar berilgandi.
Izoh (0)