Mobile World Congress 2021 кўргазмаси доирасида ўтказилган Global Mobile Awards (GLOМО Awards) мукофотини топшириш маросимида смартфонлар орасидаги етакчи аниқланди, деб хабар беради Hi-Tech.Mail.ru.
«Энг яхши смартфон» номига Samsung Galaxy S21 Ultra 5G лойиқ кўрилди. Шунингдек, қисқа рўйхатдан iPhone 12 Pro Max, OnePlus 9 Pro ва Xiaomi Mi 11 Ultra ўрин олган.
Қурилма функционаллиги, дизайни, савдолар ҳажми, ишлаб чиқаришдаги экологиклик, дастурий таъминотнинг янгиланиш даврийлиги ва бошқа омиллар бўйича баҳоланган.
Samsung Galaxy S21 Ultra 1440х3200 пикселли диагонали 6,8 дюймга тенг AMOLED-дисплей билан жиҳозланган. Смартфон S Pen стилусини қўллаб-қувватлаши ва ҳайратланарли камералар жамланмаси билан ажралиб туради.
Қурилмага 108 мегапикселли асосий камерадан ташқари, иккита 10 мегапикселли телефотокамера ўрнатилган — уларнинг бири 3 карра зумга, иккинчиси эса 10 карра зумга эга. Уларнинг биринчиси портретларни олишда, иккинчиси узоқдаги объектларни тасвирга олишда қўл келади. Тўртинчи камера — 12 мегапикселли стандарт кенг бурчакли.
Аввалроқ S Pen’га эга Galaxy S21 Ultra ўзини оқламагани, шу сабабли Samsung компанияси Galaxy Note’ни қайтариши тўғрисида хабар берилганди.
Изоҳ (0)