Ijtimoiy tarmoqlarda IIB xodimlaridan qochayotgan tilanchi ayollardan birini Spark urib yuborgani aks etgan video tarqaldi. Samarqand viloyati IIB axborot xizmati ushbu hodisa yuzasidan ma’lumot berdi.
Ma’lum qilinishicha, 2021-yilning 29-iyun kuni Samarqand shahri bo‘yicha IIO FMB 5-son IIB xodimlari Samarqand shahrining Beruniy ko‘chasida tilanchilik qilib yurgan shaxslarni ichki ishlar bo‘limiga olib borishmoqchi bo‘lgan.
Biroq ushbu shaxslar xodimlardan qochmoqchi bo‘lib, yo‘lning belgilanmagan qismidan yugurib o‘tayotgan vaqtida, shu yo‘lda harakatlanib kelayotgan Spark haydovchisi ulardan birini turtib yuborgan.
Hodisa yuzasidan tergovga qadar tekshiruv ishlari olib borilmoqda.
Bundan avval Qashqadaryoda Nexia-3 urib yuborishi oqibatida velosiped mingan bobo va nabira vafot etgani, Yangiyo‘lda yo‘lning qatnov qismiga yotib olgan piyodani bosib ketib, voqea joyidan yashiringan Nexia haydovchisi qo‘lga olingani hamda Qoraqalpog‘iston Nexia zovurga tushib ketishi oqibatida haydovchi vafot etgani haqida xabar berilgandi.
Izoh (0)